رواية البنت غير الشرعية الفصل الثاني والستون 62 بقلم ياسمين
رواية البنت غير الشرعية الفصل الثاني والستون 62 بقلم ياسمين
رواية البنت غير الشرعية البارت الثاني والستون
رواية البنت غير الشرعية الجزء الثاني والستون
رواية البنت غير الشرعية الحلقة الثانية والستون
دقدقت شحال مكاش لي فتح حتى خرجت ليا الجارة قاتلي مكان حتى واحد قتلها معلابالكش وينها قاتلي مزال مجاوش سكنو قتلها شكون قاتلي السكان الجدد ياك بعتوها الدار مع سمعت كلمة بعتوها ونعطيها جري لخالي خدمتو هذي رحت ليه لحانوتو غير دخلت عندو قالي بنت ختي على سلامتك وجا سلم عليا قتلو من تالي واش حكاية الدار قالي هيا تروحي معايا للدار ونفهمك قتلو قولي هنا منروحش معاك قالي عيب وكيفاه راجلك يبقى يستنى برا قتلو مجاش معايا قالي هيا للدار وساهل رحنا لدارو فتح ودخل بدى يعيط يا مرا عندنا ضياف خرجت هيا شكون مع شافتني وجات تبوس وتعنق بسمة حنونتي واش راكي غاية ممبعد قاتلي وينه نسيبي العزيز قتلها جيت وحدي مجاش معايا قاتلي كيفاه هذي جي وحدك قتلها عندو خدمة وصلني وراح دخلوني للصالة نتاعهم يا الرب العالي هذا قشنا لي شراه ذاك لي ميتسمى بلعتها خلي نفهم ممبعد
ساهل قتلو هيا خالي واش حكاية بيع الدار قالي يا بسمة بنتي الدار نتاع ورثة وحنا خليناها لموك تسكن فيها بصح ضوكا هي ماتت ونتي بدارك وراجلك مالا بعناها رانا كامل محتاجين قتلو والمخلوقة هذيك وين تروح ضوكا قالي شكون قتلو خالتي بختة قالي متخميش عليها ياك رجعت لراجلها قتلو كيفاه هذي رجعت لراجلها( أنا كانت خالتي قاتلي فالتيليفون بلي راجلها راه مريض بزاف وجاو ليها خاوتو قالولها ارواحي ارفديه راها لالة مرتو لي جابها ضرة عليها قاستو وهوما حصلو معاه أنا قلتلها محال ترجعي تفكري غير واش دار فيك وكيفاه رماك وحرمك من ولادك من تما لهيت بمشاكلي ومعاودتش هدرت معاها)قاتلي مرت خالي رجعت هكا خير اموان كاش ماتورث منو زدت هبلت كي سمعت بخالتي بختة قتلو صحا خالي وحقي وين قالي حقك في الحفظ والصون متتقلقيش قاع ايه ياخالي كون جيت منعرفكش قتلو هذا قشنا واش يدير هنا خالي بلع ريقو ومرتو قاتلي هاد الدار تباعت والقش مكاش وين نخلوه جبناه هنا وبقات غير تسقسي فيا قتلها بغيت نزور قبر ماما عندي شحال
مجيتش وراجلي راه خدام وصلني برك وراح بقات تحلف تباتي عندنا كذبت قتلها لالا خلاص ريزارفيت في لوتال وهي خلاص ماتت ها باينة بسمة راها مولات دراهم قعدت بايتة عندهم مع بناتهم خالي عندو 4 بنات كبارت وطفل صغير يا ربي عندو 6 سنين هكاك لقيت قشنا كامل هنا عندهم اليكتروميناجي، سرة ، الخزانة الماشينة لافي المهم كلشي جابوه معليش ممبعد نحاسبكم على الاولى والتالية معليش ، الصباح نضت تقهويت ورحت للجبانة عند ميمتي بكيت حتى عييت ورجعت شديت طاكسي لخالتي بختة عطاتني مرت خالي لادراس نتاعها غير شافتني تعنقتني هي تبكي وانا نبكي قاتلي توحشتك ياطفلة وتقلقت عليك راني غير نعيطلك تليفونك مقفول ويوسف ميجاوبش قتلها لالا مهوش هنا راح لايطاليا عندو خدمة قاتلي ونتي شكون جابك قتلها خوه بقينا متحاكين عرفت بلي راجلها مات وراها باقية رافدة عجوزها قتلها على الخير لي دارتو فيك قاتلي رافدتها لوجه ربي غدوة عندو نلقاها عرفت تاني بلي بناتها لزوج تزوجو وراها عايشة مع ولدها عندو 20 عام قاتلي يخدم قهواجي وعجوزتها لي لسقوها فيها حكينا على الدار قاتلي ياك باعها ومد لخالاتك حقهم ردي بالك ياكلك حقك قتلها
متخميش نديه منو قاتلي وحق الحانوت تاني قتلها علاه قاتلي الحانوت شراتولو جداك ياه الحانوت لينا قاع وهو متمتع بيه وحدو وانا نخدم عند الناس قاتلي شوفي المرحومة سكتت على جال الدار كون هدرت على الحانوت يهدر على الدار متنسايش عندو الحق الكبير قتلها خلاص عليا شربت عندها قهوة وبقيتها على خير عيات مسكينة معايا اقعدي تباتي قتلها لالا منقدرش مرة أخرى نزورك وجبت نيميرو نتاعها ورجعت جيت عند الشط وبقيت نخمم ضوكا شا ندير في عمري أنا حتى دار ومعنديش وين نقعد وين نروح نسيت روحي حتى بدا يطيح الليل شريت شوية صوالح ديتهم معايا لدار خالي ودخلت عندهم قاتلي مرت خالي وين كنتي قتلها مع راجلي برك فرحت سيرتو شافني داخلة بالساشيات مديتهملها وقعدت باينة عندهم الصباح نضت تقهويت وبقيتهم على خير وشديت طاكسي رجعت لولاية الهم غير نزلت رحت شريت تيليفون حطبة سامبل وبيس عيطت لصفية قتلها وينك قاتلي فالاقامة قتلها شوية نبيبيلك اخرجي قاتلي صح راكي هنا قتلها ايه فرحت
مسكينة كي وصلت للاقامة لقيتها تستنى فيا برا تسالمنا قتلها شوفيلي شومبرة مع كاش طفلة قاتلي علاه اقعدي معايا قتلها موش حابة نشوف ذيك الرخيسة قاتلي تهناي خرجت من عندي راها عند صحاباتها فرحت أيا مزية لقيت وين نقعد حتى نشوف حل لعمري .
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)