رواية البنت غير الشرعية الفصل السابع والستون 67 بقلم ياسمين

رواية البنت غير الشرعية الفصل السابع والستون 67 بقلم ياسمين

رواية البنت غير الشرعية البارت السابع والستون

رواية البنت غير الشرعية الجزء السابع والستون

رواية البنت غير الشرعية الحلقة السابعة والستون

وكان وحد الشيباني هو ومرتو هو يصيد وهي معاه بقاو مدة وهوما يشوفو معايا حتى كي نضت وجيت رايحة عيطلي هذاك الشايب بنتي بنتي تلفت ليه قتلو أنا قالي ايه نتي رحت عندهم قاتلي مالك بنيتي شقيتيلي قلبي ببكاك بغيت نجيك والحاج مبغاش قالي خليها تفرغ قلبها قبل قالي واش يبكي في بنيتي قتلو فراق لميمة وحقرت الناس قالي ميمتك إذا ماتت راه بين يدين مولاها هو يتوالاها ونتي ان شاء الله وصلتي عندي وانا نجيبلك حقك قتلو لي حقروني كبار مكاش لي يقدر عليهم قالي الكبير ربي سبحانو قوليلي وانا نعاون بنتي قتلو ربي يحفظك ويخليك جبد من جيبو دراهم قالي هاكي بنتي قتلو لالا صحا ربي يحفظك خصني دعوة خير بالاك ربي يفرج عليا بخدمة قالي واش تخدمي قتلو كملت قرايتي والباب لي نقصدو يتغلق في وجهي قالي اخدمي خدمة وحدوخرا حتى ينوب ربي قتلو يا حي ملقيتش كون لقيت والله منشرط يا لوكان نسيق قالي خلاص غدوة ارواحي للريسطورون الفلاني قتلو صح مامنتش قالي والله كيما نقولك غدوة بعد الظهر ارواحي تما وسقسي

قوليلهم نحتاج عمي الحاج قتلو ان شاء الله رحت من عندهم طايرة بالفرحة ركبت البيس ورحت لدار خالي مع دخلت وتشعل فيا مرت خالي وين كنتي وطولتي قتلها نحوس على خدمة ووقيلا الحمد لله راني لقيت قالولي غدوة ارجعي ياه ذيك الليلة كيفاه فوتها معاهم الضحك والقسرة الصباح نضت للشغل قاتلي لالا سقمي روحك وروحي ليهم للخدمة قتلها قالولي بعد الظهر ارواحي قبل ماياذن قاتلي هاد روحي هوما يديرو كاش واحد في بلاصتك لبست واتكلت على ربي شديت الطريق حتى وصلت للريسطورون هذيك كبيرة وشابة وقريبة للبحر دخلت لحت السلام رحت عند هذاك لي شاد لاكاست قتلو.نحوس على عمي الحاج قالي ايه راه موصيني عليك اخرجي ودوري ورا الريسطورون تلقاي الباب ادخلي منو ،درت كيما قالي دخلت من هذاك الباب لقيت كوزينة كبيرة حوست على الشايب لقيت. كان لابس توني نتاع طباخ قالي أهلا بنتي لاباس قتلو الحمد لله قالي واجدة قتلو بربي ان شاء الله قالي شوفي هذو اليامات اخدمي معانا لي جات حتى نديرولك خدمة خاصة ليك صحا قتلو معليش واش ندير قالي راح نطيب ارواحي نقيلي الخضرة لبست طابلية وبديت معاه ياالله يالله كملنا هو بدى يدوزن في قدورو

لقيت الدنيا تعفنت رفدت البالي ونقيتها قالي واحد خلي نكملو ونقوها قتلو نحيت الياسر باه متتلعككش الحالة قالي عمي الحاج صحا بنتي هو اسمو الحاج يكون فالخمسينات ، دخل عندنا المعلم الناس كل تقسر معاه مهوش كبير بزاف و انسان متواضع هايل قالو عمي الحاج هذي الطفلة لي قتلك عليها قالو دبر راسك تعرفني مندخلش روحي وقالي مرحبا بيك بيناتنا ، كملت العشوية معاهم علامة صح تعبت بصح مع الضحك وقسرة عمي الحاج والله نسيت روحي حتى لقيتها 6ونص يا راني روطار قالي عمي الحاج روحي بنتي وغدوة تاني رجعي كيما اليوم نحيت الطابلية عطاني عمي الحاج الدراهم قتلو علاه قالي روساتك نتاع اليوم والله ديتها بلاما نحسب حتى بعدت شفتهم لقيتهم 500 الف شريت شوية لحم وفاكية ورحت لدار خالي قلت ليوم مرت خالي دير حالة بصح مهدرتش قاع بالعكس دارتنا العشا بذاك اللحم وقاتلي روحي ريحي دوشت وتكسلت شوية جا خالي تعشينا قاللها مين جبتو اللحم قاتلو بسمة جابتو قالي مين جبتي الدراهم قتلو خدمت فالريسطورون الفلاني ناضت مرتو تندب كيفاه فالريسطورون حسبت عند الدولة وضوك غير يامات ويسحتوك قالتلها بنتها خليها

تخدم حتى تلقى خدمة عند الدولة تعاون بويا فالمصروف ضوك ندخلو نقراو ويقوى المصروف قاللها خالي ديجا من الريسطورون تولي دخل خير من عند الدولة الخلصة من الشهر للشهر ياه يديني معولين ياكلو تعبي بصح معليش ربي كبير سكتت وهدات وكملنا عشانا وسهريتنا الصباح نضت همبرت كي الحمار وكي لحق الوقت رحت لخدمتي حتى للمغرب دخلت وليت هذا هو نهاري هاكا…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)