رواية البنت غير الشرعية الفصل التسعون 90 بقلم ياسمين
رواية البنت غير الشرعية الفصل التسعون 90 بقلم ياسمين
رواية البنت غير الشرعية البارت التسعون
رواية البنت غير الشرعية الجزء التسعون
رواية البنت غير الشرعية الحلقة التسعون
اليوم بالذات عندو سمانتين ملي راح ومزال مجاش بداو حوالي يتقلبو كرهت ومليت نفس الروتين مكاش جديد غير مع هذي الحية لي كرهت جدها صح راها تخدم شغلها نورمال سيرتو كي زيرتها بصح مزالت في طبيعتها مزالت تهدر فيا شحال من مرة نسمعها ونسكت مخلانيش نحاوزها اليوم غير عيطلي قتلو وينتا جي قالي بسمة حنونتي والله ما بقى بزاف قتلو تتمسخر بيا قتلي 15 يوم برك قالي سامحيني والله الخدمة مزيرتني في ميزك نتي انا منيش حاب نجي نبقى معاك ونحي وحش عام ونص ونتي بعيدة عليا قتلو الله يسهل عليك يا جي غدوة يا نروح قالي وين تروحي هبلتي بسمة عندك ديريها قتلو كرهت مقدرتش قالي خلاص ضوك نعيط لمحمد يجي يديك عندو اقعدي مع أميمة حتى نجي قتلو من نيتك هو دار دارو باه
يتهنى بمرتو وأنا نروح نسمط عليهم قالي ياحنونتي وكيفاش ندير والله ثلاث غير مبريسي في الخدمة زيدي اصبريلي غير يامات قتلو نزيدك سمانة مكاش كثر مجيش نروح مليت انا كرهت نهار بطول مبلعة فالدار ومقابلة فيقورة الشر هاذيك قالي خلاص ضوك نهدر مع محمد يشوفلك وحدة أخرى قتلو وحدة أخرى واش ندير بيها باغياتك نتا قالي يا عمري حنونتي توحشتني قتلو انا نهدر هكا ونتا تخمامك غي جهة أخرى صايي مانزيدش نهدر معاك وكيما قتلك سمانة مجيش نروح قالي بسمة راكي بالعادة قتلو روح أخطيني قالي سيغ راكي مريضة روماركيتك كي تكوني بيها تولي مقلقة بزاف بقيت ساكتة حتى قالي خلاص حنونتي وعد نجي في أقرب فرصة كوبينا قتلني التخمام انا علاه جيت معاه وفرطت غي خدمتي واش مصيري كون يزيد يطول موالفتش القعاد وزيد كون راه مع هذيك لي ذيك المرة سمعت صوتها لالا منضنش راني نهدر معاه كل وقت ومكان حس حتى واحدة يا ربي والله راح نهبل ، زدت جبت يومين خلاص مقدرتش نرتب عيطت لمحمد حكينا شوية
منبعد قتلو حابة نحكي مع أميمة عطاني نيميرو نتاعها هدرنا قاتلي كنت حابة نعيطلك وقلت بالاك متحبيش قتلها لالا نوغمال حكينا شحال ممبعد سقساتني بسمة واش معولة نتي ويوسف قتلها منيش عارفة خلي يجي ممبعد ساهل قاتلي البارح قال لمحمد الخميس نجي قتلهاصح قاتلي ايه قتلها ايا مليح وانا قلبي ولا يفرفر وأخيرا ممبعد قتلها أميمة يوسف مرة داني عند حفافة نورمالمو صحبتك والا حاجة قاتلي صالون دو بوتي قتلها ايه خصني نيميرو نتاعهم نشد رونديفو قاتلي خلي انا نشدلك على غدوة قتلها اوكي زدنا كملنا هدرتنا شحال وكوبيناتكملة الجزء 90
الغدوة منو نضت الصباح تقهويت بعثتلو ميساج خارجة راني منكرة فيه منيش نهدر معاه نرسلو غير لي ميساج هو عيا يعيط ممبعد دورها حتى هو لي ميساج وشديت طاكسي ديراكت ليهم لقيت هذيك المصفارة تفكرتني حكينا شوية ممبعد قتلها حابة أسماء تتهلا فيا قاتلي اوكي عيطتلها. بقيت نحكي معاها لقيتها نساتني شوية شوية حتى تفكرتني قاتلي واش ديري قتلها راني عندك ديري لي تعرفيها قاتلي شعرك قصيتيه خسارة هذي المرة نديرلك لي ماش قتلها اوكي عاودت قصتلي
شعري دارتهولي قصير من اللور وطويل من قدام دارتلي البوني وليماش قاتلي هيا نديرلك ايبيلاسيون وحقا نديرو لازاغ إذا ديري قتلها هيا برك دارتلي مبعد بدات تخدملي في ظفاري حتى عيط يوسف مرديتيش صورت يدي وبعثتهالو شافها بعثلي بصحتك كي تكملي عيطلي كملت غسلتلي شعري وسشوراتولي دارتلي مكياج خفيف كملتلي قاع ديت من عندها نيميرو قتلها نعيطلك نتي مديتلها مكتوب ورحت خلصت وجيت نمشي بالشوية باش نشد طاكسي تفكرت بلي هذو لي بوتيك لي قضالي منهم راح الحال وعييت غدوة نرجع ليهم شديت طاكسي ديراكت للدار . ،
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)