رواية البنت غير الشرعية الفصل الحادي والتسعون 91 بقلم ياسمين
رواية البنت غير الشرعية الفصل الحادي والتسعون 91 بقلم ياسمين
رواية البنت غير الشرعية البارت الحادي والتسعون
رواية البنت غير الشرعية الجزء الحادي والتسعون
رواية البنت غير الشرعية الحلقة الحادية والتسعون
دخلت للدار بقات الخدامة غير تشوف معايا قتلها واش قاتلي مدام راكي روعة علابالك معرفتكش قتلها لذي الدرجة قاتلي والله سيرتو مكيش موالف ديري مكياج وتزيني روحك قتلها راجلي مهوش هنا علاه ندير باه يطمعو فيا لي ميسواوش سكتت دخلت لبيتي بقيت نشوف مع روحي صح تبدلت 180 درجة عيطتلو بلا لاكام هدرت معاه قالي حلي لاكام بسمة توحشت نشوفك قتلو لالا إذا توحشتني ارواح وشوفني قالي والله مزالني مع الخدمة كملنا هدرتنا مقاليش جاي الخميس زعما صح جاي ولالا خليها على الله وصايي ، الغدوة حتى بعد الغدا قتلها هيا نخرجو قاتلي وين قتلها ندورو خرجنا مع بعض رحت لهذوك لي بوتيك شريت شوية حوايج للخرجة مع سبابط وسيكان صاكودو ورحنا لوحد البازارات شريت شوية حوايج نتاع دار مام عجبوني الفراشات شريت شريتلها هي شوية حوايج المهم جبناها للمغرب تعشينا ورجعنا للدار يوسف دار حالة زعف كيفاه
هذا وين تدخلي صح قتلك براحتك بصح موش لذي الدرجة قتلو مكنتش وحدي كانت معايا قالي وهي معاك واش الفرق بالعكس وكوبا في وجهي بعثتلو ميساج حسبتك صح راح تتبدل معايا وتعاملني أحسن نظن غلطت وهكا أكدتلي مخاوفي لقيتو يعيط مرديتيش المرة الاولى حتى الثانية قالي وينك قتلو فالدار وين حابة نكون قالي ردي بالك تروحي قتلو موش رايحة بصح غير تجي نرجع لداري قالي بسمة علاه راكي تزيدي عليا قتلو سامحني قتلك حنا منوالموش لبعض قالي بسمة مكانش وحدين موالمين كيما حنا خلي نجي ونهدرو مليح قتلو ان شاء الله كوليت عليه وشبعت بكا معرفتش واش ندير نبقى ولا نروح ويا ترى صح يجي غدوة ولا مازال بقيت غير نطلع ونهبط حتى رقدت فطنت الصباح روطار شوية لقيتها هي مع الميناج كنت وصيتها عليه البارح قتلها سيقيلي بيتي وانا ندير قهوتي وحدي طيبت قهوة شربت رحت للبيت لقيتها كملتها خملت كامل حوايج لي شريتهم البارح نحيت شوية حوايج هوما جدد برك علابالي يوسف ميخلينيش نلبسهم عيطتلها قتلها علابالي ميجوكش بصح إذا تعرفي واحدة تحتاجهم اديهملها قاتلي ايه عنندي خواتاتي وبناتي قتلها علاه نتي مزوجة ياك ذيك المرة قلتيلي نهدر مع خطيبي قاتلي مدام انا هجالة وهذا لي نهدر معاه راه ناويني قتلها الله يسهل هيا معليش مديتهملها
وفرشت السرير بكوفرولي غوج شباب حطيت الدبدوب فوقو خملت مكياجي وكوسميتيك المهم لاشومبر تحفتها عطيتلها دراهم قتلها جيبينا بيتزا للغدا هي ىراحت وانا رحت لبيرو يوسف ضربت عليه طلة ايا مزية لقيتها ماسحة الغبار منقيا البيت ستنيتها جات تغدينا كانت قريب الزوج قلت نتسطح شوية نرقد ونكمل مقدرتش قتلتني الوسواس يا خوفي مايجيش وأنا راني نوجد صراحة خايفة نتصدم بصح هذي المرة والله وميجيش منقعد هنا بصح وين نروح يا حي خلي نوض خير رحت للكوزينة قلت درت سوب نتاع خضرة حطيتها الطيب جبدت سكالوب دوزنتو قلت ندير بولي فرونساس درتلو لا ماغينال حتى لليل نقليه وجدت البطاطا مزية كاين فريتوز معناها الدقيقة التالية نديرها وجدت سلاطة خس مع خيار وطماطيس وبصل زيتون يا نندب قاع هذا وراها عاد 4 هزيت تليفون عيطت لاميمة حكيت معاها شوية ممبعد بلعاني سقسيتها يادرا يوسف جا قاتلي ايه بصح مزال ما وصل نورمالمو مع الليل فرحت هيا هايلة هكا درت قهوة تمتعت بيها لحقت 5 ونص بالكشفة نضت درت الفريت ووجدت البولي ولاصوص نتاعو قلت حتى وإذا برد نسخنهم فالميكرواوند هي مهيش هنا ملي جات فيها طبيعة تخرج 3 ونص مجيش
حتى قريب 6 وكي زيرتها قاتلي نروح نشوف بناتي ودارنا سكت وخليتها المهم كملت رحت درت دوش بالطبع وجيت سشورت شعري درت ماسكارا وغوج برك لبست جبة نتاع دار ستيل كابيل جاية كول باتو وميجي بالحزامة نتاعها البارفان انا نوجد فالطابلة حتى جات قاتلي مدام راكي تهبلي وقيلا سي يوسف جاي قتلها لالا برك حبيت نتهلى في روحي اليوم جبت جي وقعدت فالصالة نتفرج ونصبر في روحي معليش المهم جاي حتى وميلحقش على العشاء انا هكاك حتى سمعت لاصونات قلبي فرفر جريت حليت بلامنشوف شكون
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)