رواية البنت غير الشرعية الفصل الثالث والثمانون 83 بقلم ياسمين
رواية البنت غير الشرعية الفصل الثالث والثمانون 83 بقلم ياسمين
رواية البنت غير الشرعية البارت الثالث والثمانون
رواية البنت غير الشرعية الجزء الثالث والثمانون
رواية البنت غير الشرعية الحلقة الثالثة والثمانون
قتلو والله هوما حاوزوني وحكيتلو الحكاية كاملة من أول مرة كي جيت ولقيتهم باعو الدار حتى كي خرجت من عندهم هبل ناض ولا يدور قتلو واش بيك قالي بسمة كيفاه هذي كي جبتلك قشك كنتي خرجتي ولا مزال قتلو موراها مامبا شهر وخرجت ضرب راسو على الحيط بسمة دراهمك وين راهم قتلو مزالهم فلابونك كيما مديتلي الكارني مزال مجبتهمش قالي يا طفلة راني نهدر على 6 ملاين لي راني نفارسيها لخالك كل شهر قتلو كيفاه قالي. ايه كي جبتلك قشك قتلو خليها عندك ومصروفها نبعثولك كل شهر وراني نفارسيلك كل شهر 6 ملاين لقيت داهشة قتلو والله يا يوسف مشفت من عندو هو مدلي المرة الاولى 25 مليون كريت بيها وممبعد رجعت ليه مدلي 30 مليون وقالي هذو حقك من الدار والحانوت قالي يتمسخر الدار باعها 350 مليون وحانوتو يجيب كثر من 200 مليون وهذا واش مدلك ديجا هذو ميهمنيش يهموني الدراهم لي كنت نبعثهملك وانا كنت داير في بالي راكي فالدار معززة مكرمة وحتى كي قالي محمد بلي لقاك تخدمي سارفوز مامنتوش قلت علاه تخدم
وهي كافية وزيد كيفاه هذي تسكني مع بختة ووليدها بسمة حبيتيني نقتلك قتلو راني نقولك خرجتني نص ليل وين حبيتني نروح قالي ياطفلة متهبلينيش راني عطيتلك 500 مليون كون شريتي دار علاه تموتي على الفقر والتمرميد قتلو واش عطيتني قالي الدراهم لي فالكارني قتلو هذوك شريت بيهم شرفي وكرامتي ومحال نمسهم قالي يا بسمة انعلي الشيطان كيفاه هذا شريت بيهم كرامتك وشرفك قتلو ياك نتا قلت منيش أنا قالي والله ثلاث يا بسمة مقصدت بيهم واش فهمتي نتي حالتي مكانتش مليحة منيش عارف واش كنت نخلط قتلو مالا تخيل حالتي أنا لي الموس تحط على رقبتي بداو دموعي يسيلو وحدهم حضني بسمة تعيشي اسمحيلي عليها بزاف والله يا حنونتي ماكنت في وعيي والله يا بسمة ندرب روحي نطلب منك السماح طول عمري وحتى إذا نتي اسمحتيلي محال أنا نسامح روحي قتلو هي صح مزال ما سامحتكش بصح الذنب موش عليك على الوحوش لي معاك قالي اتهناي ديتلك حقك منهم قتلو ضوكا تفرت قالي ما تفرت ما والو قالي بصح بسمة نتي تاني غالطة مكنتيش تحكيلي واش يصرالك كون منشوفش فالكاميرا منعرف والو والحاجة لي تصرا خارج الشومبرة قاع
مندريش عليها وقفت وقتلو يوسف حبس واش من كاميرا قالي بسمة كنت داير كام فالشومبرة هبلت وليت نعيط قتلو إذا موش ثايق فيا لذي الدرجة علاه مخليني عندك بقى يهدي فيا صحا حنونتي تهدني والله مدرتها على جالك نتي درتها بصفة عامة راني نقولك تخدعت راني نقولك الرخيسة هذيك خانتي خدعتني قتلو شكون قالي لي ماتتسمى قتلو مرتك قالي ايه ضحكت باستهزاء قتلو خدعاتك ورجعتها قالي رجعتها وين رجعتها قتلو عندك ياك تزوجتها ولا يضحك قالي شكون قالك قتلو محمد ولى يضحك ويقهقه قالي مالا لعبها علينا قتلو كيفاه قالي محمد كذب عليك بلي رجعت مرتي ويكذب عليا باي تزوجتي مع الاول مأمنتوش حتى كي بعثت واحد يتبعك وقالي ساكنة في البلاصة الفلانية وراه قالي شيباني الطفلة متزوجة قتلو هذاك نتا بعثتو قالي ايه وهبلت البارح كي وصلتك لدار خالك ونتي رحتي لدارك زدت هبلت قلت سيغ دارتها قتلو يوسف بصح نتا طلقتني حاجة باينة راح نعاود حياتي قالي بلعي ر#ك قالو تعاودي حياتك انا مطلقتكش قتلو كيفاه والله طلقتني قالي صح طلقتك لفضا بصح فالمحكمة مطلقتكش وكي سقسيت الامام قالي ما يتحسبش الطلاق خاطر كان مرفوع عليك القلم بيدما
وصلت رفدتلها الموس باه تقتلها معناه كنت بلاعقل لانو الانسان العاقل محال يعملها بقيت غير نشوف معاه صراحة تصدمت من صوالح بزاف بقيت غير نبكي قالي علاش تبكي وتغمي في روحك يا حنونتي لي فات مات انساي وخلي نبداو من جديد قتلو محال ننسى قتلو كون شفت واش جوزت وواش تمحنت قتلو بالاك رجال متمحنوش كيما انا من صغري نعاني قالي بسمة خلاص راني معاك ووعد أني نعوضك كلشي نتي كونيلي أنثى وخلي الباقي عليا قتلو مزالك غير تحوسني أنثى إذا موش عاجباتك مراكش ملزوم بيا قالي والله يا بسمة وتفهمي واش قاصد بأنثى متزعفي مني قتلو فهمهتلي مالا قالي بسمة الانثى خلقت حنونة خلقت ضعيفة تحتاج الحماية الأنثى خلقت للتمتع والامتاع وكلما تمتعت كلما أمتعت أكثر أنا حابك تكوني رقيقة الاحساس حنينة في تعاملك معايا حابة تنساي تعبك وفقرك وتتمتعي منقولكش بدراهمي ومالي خاطر هذا رزقنا فالزوج ربي قال الرجال قوامون على النساء يعني انا حاب نحتويك من كل الجوانب حابة تكوني مرتاحة باه تريحيني وعلى ذكر الراحة نوضي ديري دوش شباب وروحي ارقدي شوية منبعد نكملو حديثنا قتلو معنديش واش نلبس قالي شوفي
من عندي ديباني ممبعد ساهل اوكي رحت جبت من عندو بيجامة نتاع كتان وعمرت ذاك لابينوار وطلقت روحي فيه شحال توحشتها هذي القعدة نسيت روحي لدرجة طبطب عليا يوسف بسمة لاباس طولتي قتلو لاباس خرجت دوشت ولبست هذيك البيجامة جاتني كبيرة وليت كي الكلون فيها رحت البيرو نتاعو جيت على الفوتاي وتكسلت جا عندي قالي روحي للبيت علاه جيتي هنا قتلو حابة نبقى هنا معليش قالي براحتك راح جابلي زورة خفيفة غطاني بيها وخرج على ماحطيت راسي رقدت حتى لقيتو الليل .
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)