رواية البنت غير الشرعية الفصل الخامس والثمانون 85 بقلم ياسمين

رواية البنت غير الشرعية الفصل الخامس والثمانون 85 بقلم ياسمين

رواية البنت غير الشرعية البارت الخامس والثمانون

رواية البنت غير الشرعية الجزء الخامس والثمانون

رواية البنت غير الشرعية الحلقة الخامسة والثمانون

دخلنا غسلت انا قبل ورحت لبيت البيرو تكسلت على الفوتاي هو تاني غسل وجا عندي قالي واش ناوية ترقدي هنا قتلو واه قالي علاه قتلو هكا يوسف حابة نقولك حاجة ومذابيا تفهمني قالي تفضلي حبيبتي قتلو منيش مستعدة باه نبقى معاك قالي علاه بسمة قتلو منيش عارفة بصح حاليا منيش مرتاحة سيرتو في موضوع الطلاق قالي بسمة ياك فهمتك وخبرتك واش قالي الامام قتلو يوسف سامحني بصح مقتنعتش قالي مهيش حاجة صعيبة غدوة نجيب إمام ونعاود نفتح عليك ترضيك هكا قتلو ممكن بصح قالي واش بصح بسمة خرجي قاع واش في قلبك وعقلك قتلو بصح متزعفش قالي تهناي قتلو مازالني خايفة منك قالي في هذي عندك الحق أذيتك بزاف راني مستعرف سامحيني ومديلي فرصة والله نعوضك على كلشي قتلو مانيش عارفة من جهة حابة ومن جهة منيش قادرة قالي خوذي راحتك وخمي مليح أنا نحبك ومذابيا تبقاي معايا بصح إذا في

بالك انسان آخر محال نحتم روحي عليك قتلو والله يا يوسف مكان حتى واحد برك منيش فاهمة روحي منيش عارفة واش نحوس قالي بسمة تحبيني بقيت ساكتة مقدرتش نجاوبو قالي معليش روحي ارقدي فالبيت قتلو لالا نرقد هنا قالي بسمة عندي خدمة وراح نديرونجيك روحي ارقدي لهيه خير قتلو اوكي رحت في البيت تكسلت على السرير عييت نرقد مقدرتش خرجت رحت للصالة شعلت لاتيلي والو مقدرتش نقعد رحت للكوزينة درتلو كافي نواغ ودرت لروحي آتاي غير نتاع لي ساشي الصغار دقدقت الباب قالي ادخلي بسمة علاه دقدقي دخلت لقيتو يرسم حطيتلو القهوة قالي مرسي جات في وقتها قتلو بالصحة والراحة واش مرقدتيش قتلو لالا كثرت رقاد العشية قالي معليش قتلو معليش نبقى معاك قالي صافي بليزير ، كمل هو يرسم وانا بقيت نخرب في بيروه لقيت البيسي مفتوح فيه خدمة كملتها عليه ممبعد قتلو راني كملتها فيرفييها ممبعد اونكا او قالي ربي يحفظك بصح علاه تعبتي روحك قتلو ياك راني غير قاعدة زدت معاه شوية ورحت رقدت كانت 2 نتاع الصباح ، فطنت بيه ينوض فيا بسمة بسمة نضت مفزوعة نسيت ديجا بلي راني عندو قالي تهدني مكان والو قتلو شحال الساعة

سيرتو شفتو لابس حوايجو قالي مزال الحال برك بغيت نحكي معاك قتلو غير الخير قالي بسمة راني رايح عندي شغل راح نطول عليك شوية بصح وعد راح نرجع قتلو كيفاه ووين رايح قالي لايطاليا قتلو تتمسخر بيا قالي حاشا والله ماصرات شوفي الحالة معقدة شوية معايا فالخدمة سقمها ونرجع سمانة سمانتين وقت دو ماكسيموس ونجي قتلو علاه جبتني هنا كون غير خليتني في داري لاباس عليا قالي بسمة والله جات هكا بلا حتى حساب المهم نتي متتقلقيش اقعدي هنا هاذي تاني دارك روبوزي خمي مليح فالهدرة لي هدرناها البارح بصح بسمة الله يخليك متقلقينيش عليك متروحيش منا هاني خليتلك دراهم هاهم فالكوفر فالخزانة اشري حوايج وواش تستحقي كامل صحا وهاهي كاينة خدامة راها فالكوزينة تبقى معاك حتى نجي قتلو علاش خدامة واش ندير بيها قالي بسمة مكالاه يروح بالك لبعيد والله جيست باه نطمن عليك نتي عمري كان يهدر وباين مقلق متوتر قتلو واش مخبي عليا واش بيك قالي والله مكان والو بروبلام خدمة برك ان شاء الله يفرا ونجي اوكي اتهلاي نتي برك صحا وصحا حنونتي نسيت باه نجيبلك تيليفون اخرجي اشري واحد وفتحي فايس وبعثيلي صحا قتلو اوكي هيا باي انا نروح ديجا راني روطار تهلايلي في روحك باسني على خدي وخرج سمعتو يهدر مع الخدامة وخرج رجعت تكسلت جيت نرقد

مقدرتش زعما واش بيه واش كاين علاه راه مقلق قاع هكا الله يجيب الخير وانا ضوكا واش ندير نقعد عندو ولا نتطلق خير خايفة نقعد ونرجع للمشاكل كيما من قبل نروح أفضل ياك بديت حياتي بلابيه وراني في نعمة يا بسمة راكي تكذبي واش من نعمة ونتي كل يوم تباتي تبكي كيفاه ندير انا نخمم لقيت الباب تفتح لقيتها مراة كبيرة مهيش لاحقة 40 شعر كوب قارصون صفر الحواجب خيط المكياج طابلو بيكاسو هي خمرية لابسة سروال سليم باغي يطرطق عليها مع بيل قصير لاريار نتاعها قاع بر معمرة الله يبارك هذي هيا الخدامة لي قال عليها يتقوعر عليا ولا واش مرتحتلهاش اطلاقا قاتلي اسمحيلي مدام ماعرفتك لا راقدة ولا قاعدة باه نجيبلك قهوة بقيت غير نشوف معاها قتلها روحي وجديها راني جاية نضت غسلت لقيتها موجدتها فالصالة قتلها من وجاي وجديها فالكوزينة منحبش الماكلة فالصالة قاتلي معليش مدام نسيق الحالة ولا ندير الغدا قتلها كيما تبغي شربت قهوة قاتلي مدام مكاش قضيان قتلها صحا اصبري رحت للخزانة جبدت 500الف مديتهالها قاتلي واش نجيب قتلها لي راح طيبيها معجبتنيش ومرتحتلهاش سيرتو في تصرفاتها..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)