روايات

رواية عبثيات سمر وزياد الفصل التاسع 9 بقلم يمنى جمال

رواية عبثيات سمر وزياد الفصل التاسع 9 بقلم يمنى جمال

رواية عبثيات سمر وزياد البارت التاسع

رواية عبثيات سمر وزياد الجزء التاسع

عبثيات سمر وزياد
عبثيات سمر وزياد

رواية عبثيات سمر وزياد الحلقة التاسعة

_صاحى..؟ (رسالة بعتها على الواتس الساعة واحدة بليل بعد مقعدت أذاكر لحد م زهقت ..)
بعد شوية ليقته بعت رسالة ..
_أيوا..!عايزة حاجة .
_زهقانة ومخنوقة وقلبى واجعنى .
(شافها ومردش ….فات دقيقه..اتنين ..هو اونلاين بس مردش …،لقيت باب الشقة بيخبط ..
ثوانى اى دا الوقت متأخر جدا ومحدش معايا ،مين هيكون ،بصيت فى الواتس تانى لقيته مردش واونلاين …
_دا وقتك يا زياد ..،حبكت ما تردش..، طب والله يا كلب البحر لأرن عليك اشوف بتكلم مين …برن لقيت صوت فونة على السلم ، فتحت على طول ، لقيته هو.
_حرام عليكككك….م كملتش كلامى حتى ،لقيتة شدنى لحضنة وبيمسد على شعرى ،بدون ولا كلمة ولا انذار ولا اى حاجه.
( فات وقت واحنا واقفين على السلم ،بدون حركة ولا صوت …لحد م ندهت عليه …)
_زياد ، انت كويس ؟! .
_انت ال كويسة؟؟ …مالك مخنوقة لى وقلبك واجعك ليه ؟ كل دا واحنا على نفس الوضع .
_انت جاى من بيتكم لبيتنا فى الوقت دا عشان تسألنى كدا .
_سمر ..،الشقتين لازقين فى بعض.
_ ولو ولو ..، بس مالك بردو ، بعدتة عنى وانا بسألة.؟؟
_مافيش ..
_مافيش دى بتاعتنا احنا يابا، تشرب شاى بالنعناع …
_أشرب …
(شديته ودخلنا شقتهم ودخلت المطبخ اعمل شاى )
_وعندك وااااحد شاى وصلحة، اتفضل .
_خدت منها الشاى وهيا قاعدة تبص للسما وانا ببص ليها .
_مقولتليش …
_هااا.
_مالِك..؟
_رنيت على بابا كذا مرة مردش ،كان بيرن على الأقل مرة فى اليوم يكلمنى ،قلقانة اوى يا زياد.
(بصيت ليها وهيا بتتكلم وقلبى انا ال واجعنى عليها ،خايف بجد اقولها دى تالتة ثانوى وتعبت طول السنة ….)
_بس انا كلمتة يا سمر النهاردة الصبح وقال هيقعد هناك حوالى شهر او اكتر وكمان المكان ال هيروحة دا مفيش شبكة وهيرن كل م يقدر .
_بجد يا زيزو كلمك !…
_ايوة ، أهدى وركزى فى مذاكرتك ،عايزة يرجع من سفرة يلاقى بنوته الحلوة شاطرة،فاهمة ..
_اكيد اكيد ..دا انا سمرمر حبيبة قلبه، قولت كدا وانا بشاور على نفسى .
_-_-_-
(مين سايب باب البلكونة كدا ، لا ونورها مفتوح ، اه لو زيزو شافكم )
_زياد …،جيت امتى ،وطلعت تجرى لى ،واى مصحيك لحد الوقت ،واى جاب القردة دى هنا الوقت …
_حيلك حيلك ،اهدى .
_انا قردة ،يا بنى آدم براس بخاخة ،العيب مش عليك صحيح ،العيب على الست الوالدة نست تربيك .
_ ااااى خلاص ،هتضربوا بعض والا اى ،وانت اى مصحيك الوقت يا استاذ احمد.
_قايم ألبى نداء الطبيعة…
_طب اتكل يلا ، وانتى يا سمر يلا روحى شقتكم ،عايز انام .
_راحة اهو ،محسسنى انى قاعدة على دماغكم .
_-_–_—_
تانى يوم الصبح روحت المستشفى اشوف حالة عمى ونفس الوضع زي ما هو .
روحت اشوف شغلى عشان اقدر أواجه ال جاى ،وانا حرفياً دماغى مش فيا وكلام الظابط بيتردد فى دماغى أنها مش حالة سرقة وانما قتل وسؤال واحد بيتردد فى دماغى….ليه …أيوة ليه؟؟
—–_-
بعد وقت لقيت امى بترن عليا وبتقولى اروح اخدها تزور جارتها عشان عاملة عمليه .
_اى يا زيزو اتأخرت كدا لى ،واقفة بقالى مدة .
_حقك عليا يا ام زيزو ،كان فى ايدى توصيلة بس .
_ ربنا يوفقك ويعينك يارب العالمين ،ويجعلك فى كل خطوة سلامة يارب .
_ادعى يا غالية ادعى ،ماشين ببركة دعائك والله.
_بدعيلك يا حبيبي من غير ما تقول .
_فين المكان ..؟
_مستشفى …..
_اية ..؟ انت متأكدة .
_ايوة يا حبيبي ،فى حاجة والا اى ؟
_ها لا ابدا ،ربنا يشفيها .
وصلنا المستشفى وطلعت معاها وطلعت قوضة جارتنا فى نفس دور ال فيه عمى …وحاجة اخر شياكة .
_اتفضلى يا ماما يلا .
_اى مش هتدخل معايا ؟؟
_ها …لا هستنى هنا بلغيها سلامى.
لسة م كملتش كلامى لقيت ال بينده عليا …وانا فى سرى بقول يوم باين من اولة وبدور عشان ارد ….
_ايوة ؟
_اتفضل معايا عشان الحسابات ، والدكتور عايزك .
_دكتور …،دكتور اى يا زيزو ، وحسابات اى يبنى ، فهمنى ،انت تعبان،فيك اى يا ضنايا ، طمنى يبنى .
_ أهدى يا ماما أهدى بس
اتفضلى حضرتك وانا هحصلك .
الممرضة مشت وانا اخدت امى على جمب وقعدتها على اقرب كرسى .
_طمنى يا زياد فى اى .
_احلفى الاول انك م هتجيبى سيرة لاى حد ، لحد م نتطمن الاول .
_ انت مش مأمنى يا زياد ،اخص عليك .
_ عمرى يا غالية ،بس الحكاية كبيرة اوى ،حقك عليا والله.
_طمنى يابنى فى اى …
_عمى….

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عبثيات سمر وزياد)

اترك رد

error: Content is protected !!