اسكريبت جرح حبك الفصل الرابع 4 والأخير بقلم هاجر العفيفي

روح سمعت أن مازن فى المستشفى وقفت بصدمه وقلبها وجعها ولقت والدتها بتعيط

روح بقلق وخوف : ماما مازن ماله هو ك كويس

دعاء وهى بتجهز عشان تروحله ودموعها نازله : عمل حادثه كبيره يابنتى يارب يارب طمني عليه

روح جريت مع والدتها ودموعها على خدها مبتنشفش وصله المستشفى وسأله الاستقبال وعرفه أن هو فى العمليات وقفه بخوف ورعب وبالذات روح ال حست ان هى فى دنيا تانيه واتمنت ان كانت هى ال عملت الحاد*ثه وهو لاء

بعد وقت خرج الدكتور وهم راحوا عنده بسرعه

دعاء بدموع : طمنى يادكتور مازن أخباره ايه

الدكتور : مكذبش عليكم الحاله صعبه بس لو فاتوا ال 24 ساعه الجايين على خير هيبقى كويس عن أذنكم

روح ندمت على قسوتها عليه رغم أن هو غلط فى حقها كتير لكن القلب ال بيحب صعب يكره أبدا

????????????????????????????????????????????????????????????????????أستغفروا

بعد يومين الدكتور خرج بلغهم أن هو فاق وبينادى على روح

دعاء بفرح طبطبت عليها وقالت : يلا يابنتى هو عايزك ماصدقنا يفوق

روح دخلت وهى مش عارفه هتقابله ازاى داخلها متلغبط اشت*ياق حب حزن وزعل دخلت وهى باصه في الأرض

دعاء جريت عليه بلهفه : حمد الله على السلامه ياحبيبى كده توجع قلبنا عليك

مازن بتعب : الله يسلمك ياحبيبتى معلش بقا

روح : أحم حمد الله على السلامه يارب تكون أحسن

مازن بحب ولهفه : الله يسلمك بقيت أحسن لما شوفتك

دعاء : ها يابنى ايه ال حصلك كده والحادثه حصلت ازاى

مازن ألقى نظره على روح ال مرفعتش راسها نهائى من وقت مادخلت قال بحزن : كنت ماشى بالعربيه وسرحان وفجأه ظهرت قدامى العربيه الكبيره ومشوفتش حاجه بعد كده بعدها

دعاء بعتاب : كده برضوا يامازن مش تخلى بالك يابنى معلش الحمد لله انها جت على قد كده هروح اجبلك الدكتور يطمن عليك

روح مسرعه : هاجى معاكى

دعاء : لاء ياحبيبتى خليكى أنا مش هتأخر

خرجت دعاء وروح متكلمتش خالص بس هو بدأ بالكلام

مازن بحزن : لسه برضوا مش عايزه تسامحينى

روح بصتله بلوم وعتاب : مازن مش وقته أى كلام دلوقتى ياريت نقفل على كله

مازن بانفعال خفيف : ليه بتعملى كده نبرته هديت وقال بحزن والله انا ندمت وعارف أن كنت غب*ى لما رفضت حبك بس والله كنت خايف عليكى مش عايزك تتعلقى بأى حاجه غير دراستك ولما قولتى انك بتحبينى عرفت أن هو حب تعود واكيد مش بتحبينى حب عادى بس لما شوفت الحب فى عينيكى عرفت أن مفيش حد حبنى قدك وانا والله مقدرتش أتخيلك مع غيرى انا بحبك ياروح والله بحبك صدقيني

روح كان داخلها شع*ور متبادل فرح وحزن وعتاب 

أخيرا اتكلمت بتنهيده : انا ماشيه ولما تيجى ماما عرفها أن روحت حمد الله على سلامتك مره تانيه سلام عليكم

وخرجت وسابته وهو اتنهد بحزن وضيق هو عارف ان جرحه ليها مش سهل بس فعلا هو ندم وقريب اووى هيصلح غل*طه

????????????????????????????????????????????????????????????????????صلوا على شفيعكم

بعد مرور أسبوعين

كانت روح واقفه على البحر وقت الغروب وخمارها بيتطاير مع نسمات الهواء ال بتلمس وشها الحزين بحنان فى منظر جميل واقفه شارده فى كل شئ حصلها

فجأه جه عندها طفل صغير هزها برفق نزلت لمستواه

روح بحنان : نعم ياقمر

الطفل ببراءه : خدى العلبه دى سلام

وجرى وسابها وهى اندهشت من عملته ومسكت العلبه الصغيره كان شكلها لطيف جدا فتحتها اول حاجه لقتها خاتم تسبيح لونه فيروزى ابتسمت بلطف ولقت ورقه فتحتها وكان مكتوب فيها

 (أرجوكى سامحيني فقد علمت مدى جهلي في الحب فلا يوجد احد يجرح حبيبه هكذا سامحيني يا اغلي من عيني لا ادري أن كان الاعتذار سيصلح الحال ولكن سامحيني لإن لن أسامح نفسي على أخطائي)

فجأه بصت وراها بدهشه ولسه بتتلفت مره أخرى لقته قدامها بهيئته الجذابه وابتسامته الجميله

مازن بمرح : مش هسيبك النهارده غير لما تتجوزينى

روح لسه هتمشى مسك أيدها وهى بعدت عنه عشان ميلمسهاش لأنه أجنبى عنها طبعا

مازن بحزن  : اسف بس بجد انا ندمان ياروحى اقبلى اتجوزينى والله هعوضك عن كل الحزن ال شوفتيه بسببى ها قولتى ايه

روح حست ان ندم فعلا وهى خلاص نفسها ترتاح من الحزن بقا بصتله بابتسامه : موافقه

مازن بفرحه وعدم تصديق : بجد ياروح يعنى خلاص هتكونى معايا دايما ولسه هيمسك أيدها تانى

روح بضحك : يابنى بقا قولتلك مينفعش تمسك ايدى

مازن بغمزه : وربى هكتب الكتاب النهارده عشان متتكلميش نص كلمه

روح ضحكت علي منظره وقالت : وعد انك متزعلنيش تانى

مازن بحب باين فى عيونه : وعد ياا أجمل وأرق روح فى الدنيا

روح رفعت أيدها بتحذير : ماقولنا حرا*م بقا لما يتكتب الكتاب

مازن بضحك : بينا على المأذون يلا

روح : يامجنون طب وماما

مازن بمرح : المأذون عند ماما اصلا قدامى يابتت

روح جريت وهى بتضحك وهو وراها وصوت ضحكهم عالى وكانت الشمس شكلها جميله اووي وقت الغروب والبحر كمان منظره رائع

ما أحلى تلك المشاعر التي تنتابنا عند اللقاء، وما أرقُ تلك الأحاسيسُ، وما أصدقُ من تلك القلوب، وما أجمل اللقاء❤️

تمت بحمد الله

لقراءة باقي أجزاء الاسكريبت : اضغط هنا