رواية امرأة بقلب طفلة الفصل الخامس عشر 15 بقلم أسماء كمال
رواية امرأة بقلب طفلة الفصل الخامس عشر 15 بقلم أسماء كمال
رواية امرأة بقلب طفلة البارت الخامس عشر
رواية امرأة بقلب طفلة الجزء الخامس عشر
رواية امرأة بقلب طفلة الحلقة الخامسة عشر
كان جمال وعائلته يقضون السهرة معا
تهاني :-
الوقت اتأخر مش هتناموا ولا اي
إلين :-
لسه بدري ياماما
تهاني :-
بدري اي الساعة داخلة علي 2
كان إياد ينظر لهاتفه بتركيز شديد
إياد بصدمة :-
يا نهار أسود ازاي وأمتي ده حصل
تهاني :-
في اي يا إياد اي اللي حصل
إياد :-
كل حاجة ضاعت ياماما
جمال :-
ما تنطق يابني في اي
إياد :-
عبد الرحمن اتجوز يابابا
إلين :-
عبد الرحمن مين قصدك ابن عم هاجر
إياد :-
ايوة يختي هو
تهاني :-
طب وانت مالك محموق اوي كده ليه ما يتجوز ولا يتحرق هو كان من بقية أهلنا
إياد :-
عبد الرحمن اتجوز هاجر ياماما
جمال بغضب :-
انت بتقول اي… اتجوز هاجر ازاي يعني
إياد :-
انا قولتلك من الاول دي عالم صايعة واهو البيه عرف يلعبها صح ويحط ايده علي ورث هاجر ولا حد هيعرف يقوله تلت التلاتة كام
جمال :-
انا مش هسكت انا هطربق الدنيا فوق دماغه ودماغها يعني اي تتجوز بدون موافقتي او حتي علمي
إلين :-
اهدي يابابا هي اتجوزت معملتش حاجة غلط وده ابن عمها واللي انا اعرفه من هاجر ويمني انه محترم اوي وبيخاف عليهم جدا يعني اكيد هياخد باله منها
تهاني :-
بت انتي اسكتي خالص دلوقتي مش وقت هبل
هتعمل اي ياجمال مع مقصوفة الرقبة بنت اختك اللي صغرتك دي
جمال :-
من النجمة هروح القاهرة واجيبها من شعرها
قال اتجوزت قال
—————
الوضع بين هاجر وعبد الرحمن كان به بعض التوتر
عبد الرحمن باستغراب :-
في اي ياهاجر انتي خايفة مني ولا مش عايزاني ولا اي بالظبط
استدرات هاجر ونظرت إليه وقالت بتوتر جلي :-
عبد الرحمن انا عارفة انك بتحبني وانا كمان بحبك يمكن أكتر ما بتحبني كمان بس صدقني اللي بيحصل ده فوق طاقتي
عبد الرحمن :-
هو اي اللي فوق طاقتك ياهاجر حبي ليكي فوق طاقتك
هاجر :-
ارجوك ياعبد الرحمن افهمني
كل الاحداث اللي حصلت معايا في الفترة الاخيرة كفيلة انها توقف دماغي عن التفكير
موت بابا وماما واللي حصل ليمني
انا عارفة انك ملكش ذنب في كل ده
بس صدقني كل حاجة حصلت بسرعة اوي
فجأة في اسبوعين بقيت جوزي واحنا دلوقتي مقفول علينا باب واحد وانا لسه في تالتة ثانوي يدوب لسه مكملة 18 سنة من شهرين
كل اللي حصل فجأة ده اكبر من طاقتي اني استوعبه واتأقلم علي الوضع الجديد بالسهولة
عبد الرحمن :-
تمام ياهاجر انا فاهم قصدك اي
واللي انت عايزاه هو اللي هيحصل انا مش هقربلك زي مانتي طلبتي
هاجر :-
اللي انا عايزاك تفهمه ان ده لا كره فيك ولا نفور منك انت عارف اني بحبك واني كنت مستنية اليوم اللي نكون فيه مع بعض
انا كل اللي طالباه منك شوية وقت اتعود فيه علي الوضع الجديد بينا بس ممكن
ابتسم عبد الرحمن وعانقها ليشعرها بالأمان فهو يعلم أنها خائفة من ردة فعله
أمسك يدها وأجلسها علي أريكة بجوارها
عبد الرحمن :-
متخافيش ياهاجر انا فاهم قصدك ونظرة الخوف والقلق دي مش عايز اشوفها ابدا طول مانا جمبك
طب اقولك حاجة تعالي نعمل اتفاق صغنن اي رأيك
هاجر :-
اتفاق اي
عبد الرحمن :-
احنا دلوقتي في شهر 4 وامتحانات ثانوية عامة في نص شهر 6 وعلي بال ماتخلصي امتحانات نكون في 8 مثلا ليكي عليا ياستي اني مش هقربلك لحد ماتخلصي السنة دي علي خير
عشان ترتاحي منها ومن الضغط بتاعها
وبعد تالتة ثانوي نبدأ حياتها الطبيعية كاتنين متجوزين زي ماكان المفروض يحصل
حلو كده موافقة
هاجر :-
موافقة
عبد الرحمن :-
بس بشرط
هاجر :-
شرط!
عبد الرحمن :-
هما اتنين بصراحة
اول واحد مفيش حاجة تقوليلي كل واحد ينام في اوضة انا مش عيل صغير وانا وعدتك ان مفيش حاجة هتحصل بينا
هاجر :-
تمام والتاني
عبد الرحمن :-
التاني ده المهم
مفيش مخلوق يعرف باللي بينا بكره أهلنا هيجوا
عمتوا وماما هيفضلوا يسألوكي عشان يتطمنوا
هتقولي كله تمام بس لا تحكي تفاصيل ولا تقولي اللي حصل بينا اصلا ودي حاجة للمستقبل مش بس دلوقتي من النهاردة اي حاجة بينا ياهاجر دي تخصنا احنا وبس مينفعش حد يعرفها حتي لو كانت حاجة تافهه ماشي ياحبيبي
هاجر :-
حاضر
عبد الرحمن بابتسامة :-
يلا تعالي نتعشي عشان ننام اليوم كان طويل النهارده
أخذها عبد الرحمن وذهب للسفرة حيث يوجد الطعام أكلا سويا ثم ذهبا ليرتاحا قليلا
كانت هاجر تشعر بالخجل فهي تجلس امامه بشعرها وملابس البيت لم تعتاد بعد أنه زوجها
وعند النوم نامت هاجر على طرف الفراش وفضلت الابتعاد عنه قدر المستطاع
لاحظ عبد الرحمن تصرفها ولم يتحدث
وبعد دقائق نام كلاهما من كثرة التعب
وفي اليوم التالي استقيظ عبد الرحمن علي صوت طرقات الباب نهض بكسل واتجه ليفتح الباب
ليجد أهله
آمال :-
صباحية مباركة ياحبيبي
عبد الرحمن :-
الله يبارك فيكي يا ماما اتفضلوا اتفضلوا
دلف الجميع وجلسوا
عز :-
اومال هاجر فين
عبد الرحمن :-
هروح اناديها ياجدي
ميار
ميار :-
نعم
عبد الرحمن :-
عندك في عصاير وفي بيبسي في التلاجة والكوبيات عندك في المطبخ قومي بالواجب ها
ميار :-
اخص عليك جايبني تشغلني هنا
عبدالرحمن :-
احنا لينا بركة إلا انتي بردو
ميار :-
تدفع كام
عبد الرحمن :-
اخلصي ياميار هما كلهم شوية عصير
ميار :-
ماشي ماشي
عبد الرحمن :-
البيت بيتكوا طبعا هروح انادي هاجر واجي
يوسف :-
خد راحتك ياحبيبي
عبد الرحمن :-
حبيبي ياجو
دلف عبد الرحمن لغرفة النوم فلم يجد هاجر في الفراش فعلم انها بالحمام وبعد ثواني خرجت هاجر وهي تجفف شعرها
عبد الرحمن :-
نعيما
هاجر بفزع :-
خضتني
عبد الرحمن :-
انتي صحيتي امتي انا سايبك نايمة
هاجر :-
بعد مانت قومت عرفت ان اهلنا جم فدخلت اخد دش بسرعة ولبست اهو
عبد الرحمن :-
سبحان الله اول مرة اشوف بنت سريعة في لبسها
هاجر بغرور:-
نحن نختلف عن الاخرون
عبد الرحمن :-
طب يلا خلصي لبسك وحصليني
هاجر :-
انا مخلصة
عبد الرحمن :-
لا والله انتي هتطلعي بالمنظر ده بره
هاجر :-
ماله منظري منا لابسة بيجاما اهو والدنيا تمام
عبد الرحمن :-
وبالنسبة لشعرك ودراعاتك دول ومعتز بره اي النظام انا هخرج وتحصليني وانتي لابسة حاجة واسعة وطرحة تمام
هاجر :-
ماشي
عبد الرحمن :-
ومتنسيش اللي اتفقنا عليه امبارح
هاجر :-
حاضر اطلع بقي عايزه اغير هدومي
خرج عبد الرحمن وجلس مع أهله
قامت هاجر بتبديل ملابسها وخرجت لتجلس معهم وبدأو يتحدثون ويمزحون
ميرنا :-
احلوينا ياعروسة بعد الجواز
هاجر :-
بس يابت
يوسف :-
المهم تاخد بالك منها ياعبد الرحمن
عبد الرحمن :-
طب والله يادكتور ياعيب عليك ده اللي ابنك المفروض توصيها هي عليا
داليا :-
قولي صحيح ياعبد الرحمن مش ناويين تسافروا شهر عسل كده تغيروا جو
عبد الرحمن :-
لا ياعمتي مش دلوقتي امتحانات هاجر قربت وهي لازم تركز في مذاكرتها بعد ما تخلص السنة دي علي خير هاخدها واسافر
معتز :-
خدوني معاكم بقي
عبد الرحمن :-
بس يالا
داليا :-
هاجر تعالي ياحبيبتي عايزاكي شوية
هاجر :-
حاضر يا عمتوا
آمال :-
خدوني معاكوا
نظرت هاجر بتوتر لعبد الرحمن فهي تعلم ماذا يريدان منها
دلفن لغرفة وجلسن بمفردهن
داليا :-
ها ياحبيبتي طمنيني
هاجر :-
متقلقيش ياعمتوا كلكوا تمام
سمع الجميع صوت طرقات عنيفة علي الباب
عز :-
ياستار يارب مين اللي بيخبط كده
عبد الرحمن :-
استني ياجدي لما نشوف في اي
وعند هاجر
آمال :-
ايوة كله تمام ازاي يعني
سمعوا صوت بالخارج وكأنه شجار
داليا :-
اي ده في اي بره اي اللي بيحصل
هاجر :-
ده صوت خالوا
آمال :-
طب تعالوا نشوف اي اللي بيحصل
جمال بغضب :-
هي فين الهانم اللي مش هاممها حد ونسيت ان ليها أهل
داليا :-
لو سمحت حضرتك الصوت مش كده اهدي ونتفاهم
جمال :-
نتفاهم انتوا خليتوا فيها تفاهم
يوسف :-
اللي انت بتعمله ده غلط ياجمال وميصحش
جمال :-
اومال اي اللي يصح انكوا تضحكوا علي البت
ده مش غلط يادكتور
عبد الرحمن :-
لا كده كتير اوي حضرتك جاي تجر شكلنا وخلاص يعني
جمال :-
اسمع انك تتضحك علي هاجر بكلمتين ده مش هيحصل طول منا موجود او انك تتجوزها غصب عنها عشان تاخد فلوسها انا مش هسمحلك ابدا
عبد الرحمن بغضب :-
فلوس اي اللي اخدها منها بقولك اي
جاءت هاجر وقاطعت عبد الرحمن ووجهت حديثها لجمال :-
انا محدش ضحك عليا ولا حد غصبني ياخالوا
انا اللي وافقت علي الجواز وبإرادتي
جمال :-
اهلا بالهانم اللي نست أهلها وراحت تتجوز من وراهم
هاجر :-
انا مش بعمل حاجة غلط عشان اخبيها انا اتجوزت وأهلي وكل الناس شاهدة علي جوازي
بس معلش مع احترامي لحضرتك هما فين أهلي دول انا فضلت اتصل بيك فوق الميه مرة عشان اقولك اني هتجوز عالاقل تكون جمبي في اليوم ده حاجة من ريحة ماما الله يرحمها لكن انت لا سألت ولا اهتميت تعرف اني بتصل كتير كده ليه
جمال :-
وانا هعرف منين انك هتتجوزي
هاجر :-
افرض انتي متجوزتش بتصل بحضرتك فوق الميه مرة مفيش مرة رديت ولا حتي قولت اكلمها يمكن بنت اختي فيها حاجة
كنت عايزني اقول لحضرتك ازاي اني هتجوز
جمال :-
انتي لو كنتي عايزه تعرفيني كنتي هتتصرفي
هاجر :-
اتصرف عشان ابلغ حد هو مش عايزني اصلا
مع احترامي لحضرتك ياخالوا بس انت اثبتلي اني كنت صح لما اخترت افضل مع جدو وعمو
جمال :-
بقي كده ياهاجر ماشي بس خليكي فاكرة انك انتي اللي اخترتي وانسي خالص بقي ان ليكي خال يا بنت اختي عن اذنك
تركهم جمال ورحل ولم تتحدث هاجر بالموضوع
مر اليوم بطريقة عادية ورحل الجميع وبقيت هاجر مع عبد الرحمن بمفردهما مجددا
كان عبد الرحمن يتعامل معاها بطريقة عادية كما كان يتعامل سابقا ولكن بأكثر حرية
عبد الرحمن :-
انا هنزل الشغل اول الاسبوع الجاي ان شاء الله
هاجر :-
ربنا معاك ان شاء الله
عبد الرحمن :-
والاخت مش هتذاكر ولا اي
هاجر :-
ياعم قول يارب كله بيعدي بالغش
عبد الرحمن :-
عشان اجيبك من شعرك
انا سايبك اليومين دول بس عشان ترتاحي
هاجر :-
لا وعلي اي الطيب احسن
مرت حياة هاجر بطريقة طبيعية نوعا ما
لم يكن الزواج عائق فعبد الرحمن لا يضغط عليها ولا يطلب منها شئ يعطلها عن دراستها
بدأت هاجر تعتاد علي وجود عبد الرحمن معها في نفس البيت ونفس الغرفة
انتقل للجميع للعيش في عمارة واحدة
تصميمها يشبه الفيلا وكانت تتكون من خمس طوابق
الطابق الاول به حديقة جميلة ومسبح صغير
ومكان استقبال الضيوف وإقامة المناسبات
الطابق الثاني كان بمثابة بيت العائلة حيث يوجد به الجد عز الدين ويجتمعون في هذا الطابق
الطابق الثالث كان يوجد به يوسف وآمال
الطابق الرابع تم تخصيصه لداليا وأولادها بعد استقرارهم في القاهرة
والطابق الخامس كان لهاجر وعبد الرحمن
وهكذا استطاع عز الدين أن يلم شمل العائلة مرة أخري
لم يعلم احد بطبيعة العلاقة بين هاجر وعبد الرحمن ولكن آمال لم تكن راضية عما يحدث
فهي لاحظت أن هاجر مشغولة بدراستها أغلب الوقت ولا تهتم بعبد الرحمن
————
وفي أحدي الاماكن الخاصة بالدروس الخصوصية أو ما يعرف بالسنتر
جلس الطلاب في انتظار المعلم
أتت هاجر وجلست في هدوء فاجتمع حولها الفتيات فتلك هي أول مرة تحضر الدروس بعد زواجها كان الاولاد يتساءلون عن سبب التفاف الجميع حول هاجر وكذلك يتساءلون عن سبب غياب هاجر كل تلك الفترة وهي طالبة مجتهدة
أروي :-
هااجر احكيلنا كل حاجة بالتفصيل الفرح وشهر العسل وازاي اتقدملك وكل الحاجات دي
أحدهم صدم عندما علم سبب اختفاء هاجر كل تلك المدة علي الرغم انه سمع تلك الحديث من قبل ولكن ظن انه اشاعة أو ترهات وحديث فتيات ولكن صدم عندما علم أنه حقيقة
فريدة :-
ورينا الصور ياهاجر وبعدين احكيلنا
تقي :-
احنا عارفين انك بتحبي الصور فاكيد معاكي صور كتير ليكوا سوا
هاجر :-
اهدوا براحة شوية علي نفسكوا في اي
اسراء :-
بطلي غلاسة بقي
هاجر :-
مش قصة غلاسة بس انتوا شايفين ان ده المكان المناسب عشان نتكلم في الكلام ده
تقي :-
طب قوليلنا اي حاجة عن جوزك
هاجر :-
اسمه عبد الرحمن وابن عمي عنده 27 سنة يعني أكبر مني ب9 سنين وظابط
فريدة :-
بلاش رخامة ما احنا عارفين كل ده
طب قوليلي روحتوا شهر عسل فين
هاجر :-
مروحناش مذاكرتي اهم
دلف المعلم ليجلس الجميع في مكانه ويعم الصمت
ابتسم المعلم وقال :-
حمدلله على السلامه يا هاجر
هاجر :-
الله يسلمك يا مستر شادي
شادي :-
أتمني ان التطورات الجديدة في حياتك متأثرش علي دراستك
هاجر :-
متقلقش يامستر انا واخده بالي من دراستي كويس والفترة اللي فاتت دي انا كنت بذاكر أول بأول وان شاء الله خير
شادي :-
ان شاء الله يلا نبدأ
وبعد وقت ليس قليل انتهت هاجر من الدرس وخرجت لتعود للمنزل هاتفت عبد الرحمن ولكنه لم يجيبها
تلقت هاجر اتصالا من عمها وأخبرها انه قادم ليأخذها فلقد أخبره عبد الرحمن بأنه مشغول للغاية ولكن عليها أن تنتظره لعشر دقائق
سمعت هاجر كلام عمها وانتظرته
مبروك ياهاجر
نظرت هاجر لصاحبة الصوت وقالت ببرود :-
الله يبارك فيكي يا رهف عقبالك
رهف بسخرية :-
عقبالي اي بعد الشر هو انا غبية عشان ادفن نفسي من دلوقتي
هاجر :-
لا يارهف انتي مش غبية الغبي هو اللي هيفكر يحبك بكل السواد اللي جواكي ده
رهف :-
ما كفاية بقي وبطلي تعيشي دور البطولة ده ما تفوقي
هاجر :-
اللي لازم تفوق هي انتي مش أنا
انا مش عايشة دور البطولة ولا عمري فكرت العب دور مش دوري انا ديما عايشة حياتي وراضية بيها
مبسوطة باللي عندي وعمري ما بصيت لغيري في حياته وخططت اني ابوظها
رهف :-
مانتي لازم تكوني راضية حد يبقي عنده كل اللي عندك ومش راضي ومبسوط
هاجر :-
طول مانتي باصة لحياة الناس عمرك ما هتكوني مبسوطة وانا اسفة وقتي غالي اوي معنديش استعداد اضيعه مع واحدة حقودة زيك عن اذنك
ابتعدت هاجر عنها فرحلت رهف وبقيت هاجر في انتظار عمها
وبعد دقائق وصل يوسف ولكن هاجر لم تراه
فترجل يوسف ليذهب إليها ولكنه توقف عندما رأي احدهم يتحدث معها
مالك :-
انسة هاجر ممكن اتكلم معاكي شوية
هاجر :-
انا اسفة مقدرش اقف واتكلم معاك
مالك :-
ارجوكي دي حاجة مهمة جدا
هاجر :-
معتقدش ان في بينا كلام عشان يبقي في حاجة مهمة
مالك :-
هاجر انا بحبك
انا اتصدمت لما عرفت انك اتجوزتي
واتصدمت اكتر لما عرفت انه اكبر منك ب 9 سنين ليه ياهاجر ليه تعملي كده انا بحبك و
قاطعته هاجر وقالت بحدة :-
كفاية مش عايزة اسمع حاجة
انا اخلاقي وتربيتي متسمحليش اني اقف واتكلم معاك واننا ناخد وندي في الكلام ده يعتبر خيانة لجوزي لو سمحت ملكش دعوة بيا وانا لازم امشي
كادت هاجر أن ترحل ولكن تابع مالك حديثه :-
أهلك غصبوكي علي الجواز من ابن عمك مش كده
هاجر :-
دي حاجة تخصني انا وجوزي لوحدنا وامشي بدل ما اعملك مشاكل
رحلت هاجر هذه المرة ولكنها توقفت وبلعت ريقها بصعوبة عندما رأت عمها
كان يوسف قد سمع الحوار الدائر بينهما
يوسف :-
في حاجة ياحبيبتي ولا اي
هاجر :-
ها لا ياعمو مفيش حاجة حضرتك جيت امتي
يوسف :-
دلوقتي المهم يلا بينا ولا لسه هتعملي حاجة
هاجر :-
لالا انا مستنية حضرتك من بدري يلا بينا لازم ارجع احضر أكل لعبد الرحمن عشان هيجي تعبان النهارده
يوسف :-
طب يلا ياحبيبتي
عادت هاجر للمنزل مع عمها ثم صعدت لشقتها بدلت ملابسها وبدأت في تحضير الطعام
كانت في المطبخ فأتي عبد الرحمن ولم تشعر به
دلف لغرفة النوم واخذ حماما وغير ملابسه وجلس علي السفرة وكانت هاجر مازالت بالمطبخ
كانت قد انتهت من تحضير الطعام وكانت تدندن وتتمايل مع الأغنية كانت عبد الرحمن يراقبها بابتسامة فهو يراقبها عن كثب ويراقب طفولتها التي لطالما أحبها
أمسكت هاجر الهاتف لتتصل به
عبد الرحمن :-
هتكلمي مين
انتفضت هاجر ونظرت خلفها وهي تضع يدها علي قلبها الذي يخفق بسرعة وقالت :-
خضتني ياعبد الرحمن انت جيت امتي
عبد الرحمن :-
انا بقالي ساعة هنا
هاجر :-
ومقولتش ليه
عبد الرحمن بمكر :-
كنت براقب الاستعراض ده
هاجر :-
ده انت وقعت قلبي
عبد الرحمن :-
انا ماليش دعوة انتي قلبك واقع في حبي من زمان
ابتسمت هاجر وقالت :-
شوف نفسك بقي واتدلع
عبد الرحمن :-
يالهوي ده انا هموت من كتر الدلع
ده انا حاسس اني متجوز اشرف صاحبي
او بمعني اصح عايش معاه مش متجوز ها
فهمت هاجر ما يرمي إليه فارتبكت وحاولت تغيير الموضوع فقالت :-
اجبلك الغدا
عبد الرحمن :-
ياريت انا واقع من الجوع
بدأت هاجر تجلب له الطعام وجلسا يتناولا الطعام سويا
عبدالرحمن :-
اخبار المذاكره اي
هاجر :-
تمام اهو فاضل 3 أيام على رمضان مش عارفة هنظم وقتي فيه ازاي
عبد الرحمن :-
متضغطيش على نفسك أهم حاجة مذاكرتك دلوقتي متنسيش امتحانك بعد رمضان بأقل من شهر
يعني لو مش عايزه تشتغلي في البيت وناكل عند ماما انا معنديش مانع
هاجر :-
لا طبعا اومال يبقى اسمك اتجوزت ازاي
عبد الرحمن :-
هو الجواز عندك أكل بس طب كويس كويس
هاجر :-
بقولك اي عايزه اروح ليمني قبل رمضان
عبد الرحمن :-
حاضر يا هاجر
مرت أيام وبدأ شهر رمضان المبارك كانت هاجر بدأت تعتاد علي حياتها الجديدة وعلي تحملها المسئولية فكانت تلبي جميع طلبات عبد الرحمن
ولكنهما لم يصبحا زوجين بعد فكانا يعيشان تحت سقف واحد وكأنهما اخوة لا زوجين
لم يتذمر عبد الرحمن ولم يشتكي ولكنه كان يود أن يعيشا كزوجين فهو يحبها بشدة وينتظر اليوم الذي ستكون فيه زوجته بفارغ الصبر
وفي يوم وبعد انتهاء الإفطار
اجتمع الأهل جميعا ما عدا هاجر كانت تذاكر
آمال :-
اومال مراتك فين يا عبد الرحمن
عبد الرحمن :-
فوق ياماما بتذاكر مهو الامتحانات قربت خلاص
آمال :-
قولتلي بتذاكر
ميار :-
طب انا هطلع لهاجر كنت عايزاها في حاجة كده عن اذنكوا
صعدت ميار لهاجر وجلسا سويا
هاجر :-
المذاكرة مطلعة عيني ياميار
ميار :-
هاجر علاقتك أنتي وعبد الرحمن متنفعش كده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امرأة بقلب طفلة)