رواية جمعنا القدر الفصل الرابع عشر 14 بقلم زينب محروس

رواية جمعنا القدر الفصل الرابع عشر 14 بقلم زينب محروس

رواية جمعنا القدر البارت الرابع عشر

رواية جمعنا القدر الجزء الرابع عشر

رواية جمعنا القدر الحلقة الرابعة عشر

مروان : اسمع …………….
عدى : تفتكر ممكن تطلع هى
مروان : ممكن ليه لاء بس لازم نعمل اللى قولتلك عليه و بعدين هنشوف هى ولا لاء
عدى :طب يلا عشان منتاخرش عليهم
وذهبوا الى الجميع
نور : ايه رايكو نروح نعمل شوبينج ونحضر فيلم
قدر : انا موافقة
مليكة : و انا كمان موافقة
ايسيل : و انا اكيد راشقة معاكم
مراد : هو اصلا فيه حد بيروح الملاهى الصبح
مروان : كانوا عايزين يلحقو اليوم من اوله
عدى : 😂😂 من اوله دول كانو هيموتو من اول لعبة
مراد : 😂😂😂 لاء و بيتحدونا
كرم : انا بقول نمشى احسن البنات شكلهم مش مبشر و لو مسكوا فيكم محدش يقدر يحوشهم
مراد : و انا كمان بقول كدا

وذهبوا جميعا الى التسوق وقضوا اليوم بين الضحك و السعادة
فى اليوم الثانى اوصل مروان قدر و ايسيل الى الكلية
قدر و هى تبحث فى اغراضها : ايسيل الكتاب بتاعى معاكى
ايسيل : لاء انتى مش اخدتيه و انتى خارجة ؟
قدر : اه و فاكرة انه كان معايا وانا نازلة من العربية ممكن يكون وقع منى برا انا هخرج اشوفه واجى
ايسيل : استنى هاجى معاكى .
قدر : لاء خليكى هنا انا هرجع بسرعة
و خرجت قدر لكى تبحث عن كتابها و اثناء بحثها عن الكتاب جاءت سيارة سوداء كبيرة و نزل منها شابان يشبهان الحراس الشخصية
الشاب الاول : انتى الانسة قدر الهلالى
قدر : اه انت مين
الشاب الاول : اتفضلى معانا
قدر : اتفضل معاك فين ؟
الشاب الثانى : مستر مروان عايز حاضرتك
قدر باستغراب : مروان طب ماهو لسة موصلنى عايزنى فى ايه بقا
الشاب الاول : احنا منعرفش يا فندم احنا بنعمل اللى بيطلب مننا من غير اسئلة .
فى نفس الوقت كان عدى على وشك الدخول للمحاضرة ولكن جاءه اتصال
عدى : ازيك يا ماما عاملة ايه

نادية : انا كويسة يا حبيبى اسمع بس مفيش وقت
عدى : فى ايه يا ماما قلقتينى
نادية : قدر خطيبة مروان طالبة فى الكلية عندك مش كدا
عدى : اه بتسالى ليه
نادية : روح بسرعة شوفها فين وعينك متنزلش من عليها لحظة واحدة
عدى : ليه فى ايه
نادية : اسمع بس و متقاطعنيش اسامة و عدلى باعتين ناس يخطفوها عشان يقتلوها و برن على مروان مش بيرد
عدى : طب اقفلى دلوقتى
اغلق عدى مع والدته و ذهب يبحث عن قدر حتى وجدها تقف امام الكلية و تتحدث مع هؤلاء الشباب…. فذهب اليهم .
عدى : فى ايه يا قدر……. و مين دول ؟
نظرت له قدر قائلة : مش عارفة بيقولوا انهم تبع مروان و هو اللى باعتهم والمفروض اروح معاهم
عدى : تعالى انا هوصلك
الشاب الاول :هى هتيجى معانا حضرتك
عدى : لاء انا هوصلها تقدروا تمشوا
الشاب الثانى : مينفعش احنا هنوصلها و بعدين انت مين ؟ .
عدى : وانت مالك انا مين…… يلا يا قدر

الشاب الاول : هى لازم تيجى معانا و انت متدخلش و امشى من هنا
قدر : انا مش جاية معاكم امشوا من هنا
الشاب التانى : يبقا هتيجى غصب عنك
ثم اخرج عصاة من السيارة واخفاها خلف ظهره حتى اقترب من عدى ثم ضربه على كتفه و على قدمه وحمل الثانى قدر و ادخلها الى السيارة بين صريخها و ركبوا بجانبها و انطلقت السيارة و قام عدى ايضا و ركب سيارته و سار خلفهم و اخرج هاتفه و حاول الاتصال ب مروان و لكنه لم يجيب فاتصل على مراد واخبره ان يلحق به وقص عليه ما حصل
و ظل يقود السيارة خلفهم حتى استطاع ان يوقفهم و نزل من سيارته و نزل الشباب ايضا و دار بينهم قتال و لكن عدى استطاع التغلب عليهم …… ثم ذهب و اخرج قدر التى كانت ترتعش و ما ان اخرجها حتى اختبات خلف ظهره و تشبثت فى زراعه .
عدى : اهدى يا قدر انا هنا مش هيحصلك حاجة
قدر و هى تبكى : كانوا عايزين يقتلونى س .. سمعتهم بيتكلموا فى التليفون و بيقولوا كدا
عدى : و هو يربت على كتفها هششش خلاص اهدى
ادركت قدر انها تحتصن ذراعه فابتعدت قائلة : انا اسفة مش قصدى .
عدى : و لا يهمك اهم حاجة انتى كويسة
قدر : اه الحمد الله قطع كلامهم و صول سيارة مراد و تلحق به سيارة شرطة و قبضوا على الشباب اللذين كانوا يحاولون اختطاف قدر

مراد : انتو كويسين
عدى : اه احنا تمام اومال فين مروان
مراد : عنده شغل مع باباه
عدى : طب يلا نمشى من هنا
و ركبت قدر مع عدى و ركب مراد سيارته و ذهبوا الى منزل عامر الصياد و عندما دخلوا و جدوا ايسيل تبكى و صباح تحاول تهدأتها و عندما رات قدر حتى ركضت اليها و احتضنتها .
قدر : اهدى يا ايسيل انا كويسة
ايسيل : انتى كنتى فين مش خرجتى تدورى على الكتاب ايه اللى حصل
عدى : كان فيه ناس عايزين يخطفوا قدر
صباح : يخطفوها ! ليه ؟ و مين ؟
مراد : منعرفش هما مين بس احنا قبضنا على الشباب و هنعرف من التحقيق مين اللى وراهم
ايسيل : طب و فين مروان هوا ميعرفش ؟
عدى : لاء ميعرفش فونه مقفول
مراد : انا لازم امشى عشان عندى شغل و انتى يا قدر خلى بالك و متخرجيش لوحدك من غير حراسة
عدى : استنى انا جاي معاك
صباح : اقعدوا يا ولاد على مروان ما يجى .
مراد : مرة تانية يلا يا عدى.

صباح : متشكرين جدا يا حبايبى .
عدى : دا واجبنا .
وخرجوا هم الاثنين و عاد مراد الى عمله و ذهب عدى الى منزله .
فى مكان أخر
مجهول 1 : انا مشغل عندى شوية بهايم مبيفهموش
مجهول 2 : اهدى يا اسامة اكيد فى حل
أسامة: حل … حل ايه ابن الصياد دا مش عارف اوقعه حتة عيل مربيلنا الرعب
مجهول 2 : طب ما تقتله ونخلص
اسامة : اقتله ازاى يا عدلى قبل ما اخد كل املاكه ولازم اكسره زى ما دخل اخويا السجن و كسرنى
عدلى : طب ما ايه رايك لو نستغل مراته
اسامة : ازاى بقا ؟
عدلى : مش عارف يس اكيد فى حل
اسامة : انا عندى
عدلى : ايه ؟
اسامة :يعنى نستدرجها لو عايزة تعرف مين اللى قتل اهلها و نلبس عامر التهمة و هى طبعا متقدرش تقعد مع واحد ابوه سبب موت اهلها و تطلب الطلاق و كدا نكسره و يدمر و نرمى عليه واحدة تبعنا تجيب امضته بالتنازل عن املاكه و بعدين نقتله و نخلص منه ايه رايك

عدلى : 😂😂😂😂 فكرة حلوة بس لازم عامر يدخل السجن مش بس نتهمه لازم نجيب ادلة حقيقية و بكدا يخلص انتقامنا منهم
اسامة :😂😂😂 بالظبط كدا
و ظلوا يضحكون غير مدركين لهذه الاعين التى تتتابعهم .
قى مكتب مروان
نظر مروان الى هاتفه وجد العديد من المكالمات الفائته من نادية و عدى و مراد فاعاد الإتصال على نادية التى اخبرته ما حدث و اتفقت معه على ان تقابله فى اسرع وقت .
انهى مروان الاتصال و هو يركب سيارته و قادها متجها الى المنزل لكى يرى ملاكه .
دخل مروان الى المنزل لم يجد احدا فصعد مباشرة الى غرفة قدر التى كانت تجلس و حدها دق مروان الباب
قدر : ادخل
فتح مروان الباب و دخل و بدون اى كلمة اخذها فى حضنه و ظل يشدد من احتضنانها كأنه يريد ان يدخلها بين ضلوعه
قدر : انا كويسة يا مروان
مروان : انا اسف ياقدرى
قدر : على ايه

مروان : مقدرتش احميكى
قدر : بس متقولش كدا و بعدين ما انا كويسة اهو
مروان : اسف يا قدرى اوعدك مش هخلى حد يقرب منك طول ما انا موجود
قدر : ربنا يخليك ليا
مروان : و يخليكى ليا يا قدرى
قدر بمرح : ايه رايك نتفرج على فيلم او مسرحية
مروان : موافق … اومال فين ماما و ايسيل
قدر : راحو عند طنط مروة
مروان : ماشى انا هغير هدومى و نتفرج على فيلم
قدر : طيب و انا هعمل فشار على ما تخلص
و ابدل مروان ملابسه الى تى شيرت ابيض و بنطلون رمادى و نزل الى الصالون و جد قدر تجلس و امامها فشار و عصير و تمسك بجهاز التحكم و تقلب بين القنوات
مروان و هو يجلس بجانبها : ها لقيتى حاجة
قدر :بدور اهو مفيش افلام حلوة ….. اخيرا فيه حاجة اهى
مروان : بس دى مسرحية مدرسة المشاغبين
قدر : طب و فيها ايه
مروان : انتى مش بتحبيها .
قدر : بس انت بتحبها كفاية بس انى اشوفك بتضحك و انت بتتفرج .
مروان : ربنا يخليكى ليا يا قدرى .
قدر : و يخليك ليا يا مروان .