رواية انتقام الجميلة الفصل الثالث عشر 13 بقلم سارة الفقي

رواية انتقام الجميلة الفصل الثالث عشر 13 بقلم سارة الفقي

رواية انتقام الجميلة البارت الثالث عشر

رواية انتقام الجميلة الجزء الثالث عشر

رواية انتقام الجميلة الحلقة الثالثة عشر

_ و دلوقتي انا بقولك انا عايز اردك و أنا مش مجبر يا جميلة ، انا عايز كده ، جميلة انا بحبك
_ ههه .. هههههههه ، ههههههههههه ، معلش هههه آسفه ، أصل كلامك غريب ، هههههههه
قالتها جميلة بسخرية
_ جميلة انا بتكلم جد علفكرة ، جميلة انا بحبك
_ اه و المطلوب ؟
ردت جميلة ببرود
_ نتجوز يا جميلة
_ امممم و بعدين ؟
_ …….
_ انا مش موافقة يا سيف ، مش قادرة أنسي اللي عملته معايا زمان ، مش قادرة أنسي استحقارك و اهانتك ليا ، و خوفك علي منظرك بس

، اقولك أنا حتي مش قادرة أصدق حبك ليا ، و مش هقدر ، عارف ليه علشان انت بتحب الشكل بس ، مش الجوهر ، و بعد فترة لما اكبر هتزهق مني علشان الجمال مش بيدوم
…… تقدر تاخد سيف يومين في الأسبوع ، ده اللي عندي يا سيف
_ اه يا جميلة دلوقتي وافقتي علشان يخلالك الجو و تقدري تخرجي مع الولد اللي كان معاكي مش كده ؟
قالها سيف بعصبية
_ انت ازاي كده بجد ؟ انا مش مصدقة ، كل مدي بتنزل من نظري اكتر ، اتهمتني في أخلاقي و حاولت تمد ايدك عليا و كمان مش تعتذر ، لا بتتهمني تاني ، انا بجد مش مصدقاك
، عارف ، قبل كده كان ممكن يبقي فيه فرصة ارجعلك ، و كمان مش علشان انا عايزة ، لا علشان ابني ، اما دلوقتي مستحيل

قالتها جميلة بحزن و قلة حيلة و من ثم غادرت من أمامه
_ كلامنا لسه مخلصش يا جميلة ، مخلصش
قالها بصراخ و غضب
~~~~~~~~~~~~~~
_ ااااااه ، منك لله ، انتي السبب في اللي حصلي ده
_ الله و أنا ذنبي ايه يا دومي ، انت اللي سمعت كلامي
قالتها نانسي و هي تكتم ضحكتها و تضمد جروحه
_ والله ، ما انا عملت كده علشان تسامحيني
_ و أنا خلاص سامحتك ، و اهو ده درس علشان تتعلم بعد كده متزعلنيش
نظر لها أدم بغيظ و لم يتحدث
_ طب علشان جدعنتك دي ، هعزمك علي أحلي قهوة اسبريسو

_ مش عايز حاجة
قالها أدم بغيظ
_ طيب ، كده هتزعلني منك يا دومي و هتضطر تصالحني و الله اعلم بقا ، هخليك تعمل ايه المره دي
_ لا لأ و علي ايه ، ماشي
_ أيوة كده
_ ربنا علي الظالم
قالها أدم بألم و نانسي ضحكت عليه بشدة
~~~~~~~~~~~~~~~

بعد ساعة تقريبا ، غادر سيف من الفيلا و هو غاضب تماما و جلست جميلة مع نادر و ظلت تفكر فيما حدث مرارا و تكرارا ..
و بعد قليل دخلت عليها نانسي و أدم …
_ الجميل سرحان في ايه ؟
قالتها نانسي بمرح
_ لا عادي مفيش حاجة
_ انتي مكسوفه مني ، ده انا حتي اخوكي
قالها أدم بمرح و انتبهت له جميلة
_ ايه ده ايه اللي حصل لوشك ؟
_ ههههه ده موضوع كبير ، هقولك عليه بعدين
قالتها نانسي و هي تنظر لأدم بضحك ، نظر لها بغيظ و غادر

_ ها مال الجميلة بقا ؟
قصت لها جميلة ما حدث
_ اااايه ؟ و انتي ازاي تسمحيله يتكلم معاكي بالطريقة دي ؟ و كمان حاول يمد ايده عليكي ، الحيوان ده
قالتها نانسي بانفعال و غضب شديد
_ اهو اللي حصل بقا
_ و انتي ازاي تعتذريله علي القلم ؟ ، ده يستاهل اكتر من كده ، و كنتي تسبيه يولع ، واحد حقير مش يستاهل ،
، جميلة انتي حنيتي ليه ؟ رجعتي تحبيه و لا ايه ؟
_ انا مش عارفه أنا عايزة ايه ، ساعات بحس اني عايزة ارجعله ، وحشني ، و ساعات برجع افكر بعقلي و اقول إنه مش هيتغير مهما يحصل
قالتها جميلة بحزن

_ أيوة يا جميلة اللي زي سيف ده مش بيتغيروا ، انتي عايزة تفهميني انه لو رجعلك بقيتي حامل مثلا و جسمك اتغير ، هيفضل يحبك ، لا هيمل منك
، ده بيحب الشكل و المظاهر بس
_ عارفه يا نانسي ، عارفه
قالتها جميلة بحزن ، و تابعت نانسي
_ و تصرفك مع أسد وحش ، يعني هو بيساعدك ، تقوليله امشي و تروحي تساعدي الحيوان ده
_ ما انا زعلانه علشان كده ، مش عارفه اعمل ايه ؟
_ كلميه يا جميلة
_ هشوف بقا

_ لا متشوفيش ، لازم تكلميه ، اكيد هو زعلانه دلوقتي
_ حاضر يا نانسي ، حاضر
و قاطع حديثهم نداء والدها الغاضب ..
_ جميييييلة ، جميييييلة
_ انا نازلة يا نانسي ، اشوف فيه ايه ؟ ربنا يستر
_ استني جاية معاكي
_ نعم يا بابا
_ …………….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)