رواية انتقام الجميلة الفصل الثاني عشر 12 بقلم سارة الفقي

رواية انتقام الجميلة الفصل الثاني عشر 12 بقلم سارة الفقي

رواية انتقام الجميلة البارت الثاني عشر

رواية انتقام الجميلة الجزء الثاني عشر

رواية انتقام الجميلة الحلقة الثانية عشر

شعر سيف كأن هناك نيران تشتعل بقلبه ، و احمرت عيناه من الغضب ، و من ثم خرج باندفاع ،
و اتجه نحوها و لم يشعر بنفسه إلا و هو يجذبها من يدها بقوة
_ انت اتجننت ، ايه اللي انت بتعمله ده ؟
قالتها جميلة بغضب
_ انتي كمان ليكي عين تتكلمي ؟ سايبه ابنك و خارجة تتسرمحي بره مع الرجالة
لم تستطع جميلة أن تصمت و خصوصا أنه قد شكك بأخلاقها ،
لم تشعر بنفسها إلا و يدها تطبع علي وجهه بقوة
_ إلا ده يا سيف ، إلا ده ، مش مسموح لك تتكلم فيه ، أخلاقي و شرفي لأ
_ انتي بترفعي إيدك عليا ؟!
قالها سيف و هو يحدق بغضب عارم و فجأة رفع يده و كانت علي وشك الهبوط علي خدها ، لكن أسد حال دون ذلك في اللحظة الأخيرة ..
_ عيب علي رجولتك ، هتمد إيدك علي ست ؟!

 

 

قالها أسد بغضب و من ثم لكمه بقوة في أنفه
_ يبقي انت مش راجل يا روح أمك
قالها أسد بعصبية شديدة و أخذ يكرر لكماته بقوة و غل ..
_ كفاية يا أسد ، كفاية أرجوك ، هيموت في ايدك
قالتها جميلة و دموعها تهبط بغزارة ..
_ انتي بتعيطي ليه ؟ علي واحد ميستاهلش دمعه منك !!
_ امشي يا أسد ، لو سمحت امشي
قالتها جميلة بصراخ و هي تبكي
_ ماشي يا جميلة ، همشي علشان خاطرك
قالها أسد و هو يتنفس بعصبية
صعد أسد السيارة و من ثم ذهب ، و ذهبت جميلة نحو سيف مسرعة ..
_ سيف أنت كويس ؟ فوق ، أرجوك فوق ، يا دااااده

 

 

كانت جميلة بانهيار تام ..
_ ايه يا بنتي ، هاااااا سيف بيه ؟
قالها الداده بهلع
_ هاتي بيرفيوم بسرعة يا داده و نادي عمي ايمن يساعدني اشيله
_ حاضر يا بنتي ، قوام
____________________________
ذهبت الداده مسرعة و بعد دقائق جاء أيمن و ساعدها بإدخاله .. و من ثم اتت الداده بالبيرفيوم و حاولت جميلة إفاقته و بعد قليل أخيرا فتح عينيه بضعف ..
_ سيف ، الحمدلله إنك قومت
قالتها جميلة بهلع و خوف شديد عليه

 

 

و سرعان ما تذكر سيف ما حدث و أدار وجهه سريعا عنها .. بعدها اقترب منه نادر ..
_ بابي أنت كويس ؟
قالها نادر بخوف
_ اه يا حبيبي ، انا بس تعبان شوية هرتاح و ابقي كويس
قالها سيف بتعب شديد و هو يحاول الإبتسام قدر الإمكان ، حتي لا يشعر بالخوف ..
_ داداه نادي فيروز تاخد نادر
_ حاضر يا حبيبتي
_ عم ايمن اطلبلي تاكسي لو سمحت
قالها سيف بتعب شديد
_ سيف انت هتروح فين بالشكل ده ؟ انت مش قادر تتحرك
قالتها جميلة بقلق و خوف عليه

 

 

_ ملكيش دعوة ، اروح مكان ما اروح ، إن شاء الله اروح في داهية ، متتدخليش
قالها سيف بعصبية
_ سيف متعاندش ، انت مش شايف شكلك عامل ازاي ؟
_ عم ايمن لو سمحت اعمل زي ما بقولك
تجاهلها سيف و تابع حديثه ، غمزت جميلة للرجل ، فتركهم و غادر ..
_ داده هاتي كمادات و قطن و مطهر جروح
_ حاضر
ذهبت الداده لتُحضرهم و ظلت جميلة تنظر له و سيف ينظر للجهه المقابلة بغضب ..
_ اتفضلي يا بنتي
_ شكرا يا داده ، ممكن تشوفي نادر كويس و لا لأ ، علشان كان بيعيط
_ حاضر

 

 

وضعت جميلة الكمادات علي وجهه ، ابتعد سيف بغضب :
_ ابعدي عني
_ سيف متعاندش والنبي ، مش علشانك ، علشان نادر مش يشوفك كده
و اخيرا استجاب سيف لها .. بدأت جميلة تطهر جرحه بحرص و بالطبع شعر ببعض الآلام ..
_ أنا .. آسفه علي .. القلم ، والله مكانش قصدي ، انا اتعصبت جامد و مكنتش في وعيي
_ لا متتأسفيش أنا اللي غلطان أصلا ، أنا مين علشان اعاتبك و لا امسكك كده و أنا شايفك نازلة من عربية راجل
قالها سيف بحده و سخرية ..

 

 

_ سيف أنت اتسرعت و خلاص من غير ما تفهم و كمان حاولت تمد ايدك عليا
_ افهم ايه ؟!! افهم ايه قوليلي ؟ حضرتك سايبه ابنك بقاله اكتر من ساعة و بعدها الاقيكي داخله الفيلا و معاكي راجل !!
_ يعني انت عايز تقول إني مهمله ؟! لا يا سيف أنا مش مهمله ، لو مهمله مكنتش قدرت اربي نادر 6 سنين و لوحدي ، لو مهمله مكنتش قدرت أمارس دور الأم و الأب ليه
_ انتي لازم تعملي دراما ! و كان ايه اللي جابرك علي ده يا جميلة ؟ ليه مقولتيش ، حتي لو أطلقنا ، كنت هردك تاني علشان ابننا
_ هتردني و انت مجبر يا سيف ، هتردني غصب و انت مش طايقاني ، مش كده بردو ؟
_ و دلوقتي انا بقولك انا عايز اردك ، و أنا مش مجبر يا جميلة ، انا عايز كده ، جميلة انا بحبك
_ ……….

 

 

~~~~~~~~~~~~~~~~~~
في النادي ..
_ الجميل لسه زعلان مني و لا ايه ؟
قالها أدم بمرح و هو ينظر لها
_ أدم لو سمحت امشي ، انا مش عايزة اسمع حاجة دلوقتي سيبني اتمرن
قالتها نانسي بحده
_ طب أنا آسف ، سامحيني يا نانوسه ارجوكي
_ لأ مش هسامحك
قالتها نانسي بحده و دلع ( متسألوش ازاي ، تخيلوا 😅)
_ طب انا حمار و غبي و م….
قالها أدم بمرح
_ بس خلاص انت هتقول كل الشتائم
_ يعني خلاص سامحتيني ؟

 

 

قالها أدم بحماس
_ اه بس بشرط
قالتها نانسي بخبث
_ أنتي تؤمري و أنا انفذ
قالها أدم بسعادة
_ شايف الراجل اللي هناك ده ؟
_ اه ابو عضلات ده
_ ايوه بالظبط ، هتروح تضربه بالقلم بس
_ نعممممم ! و ده ليه إن شاء الله ؟
_ الله ، انت مش قولت عايزني اسامحك ، يبقي تنفذ كلامي

 

 

قالتها نانسي بحده تظهرها و هي تكاد تنفجر من الضحك
_ بس ده مش عدل ، انتي مش شايفه عامل ازاي ؟ ده عامل زي الدرفه
قالها أدم و هو يبتلع ريقه بصعوبه
_ انا قولت اللي عندي ، يا كده يا والله ما هسامحك خالص و مش هكلمك تاني ابدا و ….
_ خلاص خلاص ، هروح و أمري لله ، ادعيلي
قالها أدم بخوف و من ثم ذهب إلي الرجل و هو يقدم قدم و يؤخر أخري ..
و نانسي تكاد تموت من الضحك عليه ..
وقف أدم أمام الرجل و حدق في وجهه بخوف ..
_ فيه حاجة ؟
قالها الرجل بصوت خشن
_ لا … أنا … بص ، أنا آسف علي اللي هعمله دلوقتي ، بس والله مضطر
و فجأة ضربه أدم علي وجهه ، ضربه خفيفه و أغمض عيناه بعدها بخوف شديد ..
_ انت عبيط يلا ، ايه اللي انت عملته ده ؟
‏
‏قالها بغضب شديد
‏
‏_ أنا آسف
‏
‏قالها أدم و من ثم فر هاربا من أمامه و أسرع الرجل وراءه ، كل هذا و نانسي تموت من الضحك عليه
‏
‏~~~~~~~~~~~~~

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)