رواية انتقام الجميلة الفصل الحادي عشر 11 بقلم سارة الفقي

رواية انتقام الجميلة الفصل الحادي عشر 11 بقلم سارة الفقي

رواية انتقام الجميلة البارت الحادي عشر

رواية انتقام الجميلة الجزء الحادي عشر

رواية انتقام الجميلة الحلقة الحادية عشر

_ أسد !!!
_ عامله ايه يا جميلة ؟
قالها أسد بابتسامه مليئة بالشوق و الحب ..
_ انت جيت امتي ؟ انت بتعمل ايه هنا ؟
قالتها جميلة باستغراب
_ فيه حد يسأل حد السؤال ده ؟ لو مش عايزاني هنا ،ارجع تاني
قالها أسد بمرح
_ لا والله مش قصدي ، انا بس مستغربة ، حمدلله علي السلامه يا كابتن
قالتها جميلة بابتسامه
_ الله يسلمك يا جميلة

 

 

 

_ طب مش هتقعدوا و لا ايه ؟
قالتها نانسي
_ طب مش تعرفينا الأول ؟!
قالها أدم بغيظ
_ اه يا أدم ده أسد الكابتن اللي كان بيدربني في باريس
_ انت أدم اخو جميلة مش كده ؟
قالها أسد بابتسامه
_ أيوة أنا أدم
قالها أدم بغيظ و هو ينظر له و لنانسي
_ جميلة حكتلي عنك كتير ، اتشرفت بيك
_ انا اكتر

 

 

 

قالها أدم ببرود و من ثم جلس ..
_ اه يا كابتن مقولتش ، انت خلاص هتستقر في مصر و لا هترجع تاني ؟
_ لسه مقررتش ، بس يعتبر جاي زيارة يعني مؤقتا لحد دلوقتي
_ بس بصراحة أنا مبسوطة اوي إني شوفتك
_ انا اكتر يا جميلة
قالها أسد بحب
_ طب الخروجة دي متنفعش ، إحنا لازم نسهر و لا ايه يا لولو ؟ ، ايه رأيك يا أسد ؟ لازم نعوض ايام باريس
_ و … انتوا كنتوا متعودين تخرجوا تسهروا في باريس
قالها أدم و هو يحاول ان يفهم

 

 

_ اه طبعا ، كنا بنخرج كتير ، فاكرين آخر مرة ، لما دخلنا NIGHT CLUB ، و خرجنا بمصيبة
_ هههههههه ، اه طبعا فاكر ، هو ده يوم يتنسي
_ والله ! و ايه اللي حصل بقا ؟
_ فيه واحد هناك ، ضايق نانسي و أسد ضربه بالبوكس ، و بعدها ناس كتير اتلموا حواليه
قالتها جميلة و تابعت نانسي :
_ بس طبعا أسد كابتن جامد ، كسر المكان عليهم ،
فاكرين الراجل صاحب المكان كان بيبصلنا ازاي ؟ ، انا كنت حاسه إنهم هيطاردونا و مش هيسيبونا إلا و هما واخدين حق التكسير اللي حصل ، ههههه

 

 

قالتها نانسي بمرح و أخذ أسد و جميلة يضحكان و أدم ينظر لها و تكاد النيران تخرج من رأسه من شدة الغضب ..
_ و لا أسد و هو بيشدنا و فضلنا نجري بعدها ، كان حتة يوم ، ههههههه
و بعد قليل شعر أدم بالإختناق و قرر الذهاب ..
_ طب أنا همشي بقا يا جميلة ، زي ما قولتلك عندي شغل
_ اه يا حبيبي ، انت هتقولي
قالتها جميلة بمرح ، فهي تعرف أنه يشعر بالغيرة
نظر لها أدم بغيظ و من ثم ابتسم ببرود و كان علي وشك الذهاب ..
_ استني يا أدم خدني معاك ، وصلني في طريقك بقا ، عندي مشوار مهم ، هستأذنكم يا جماعه
قالتها نانسي بابتسامه و هي تغمز لأسد
_ مشوار ايه ؟

 

 

قالتها جميلة باستغراب
_ هبقي اقولك بعدين ، يلا باي ، و متنسوش الخروجة بليل ، مفيش هروب
_ يا مجنونه
قالتها جميلة بمرح
~~~~~~~~~~~~~~~
في السيارة ..
كانت نانسي تتصفح الموبايل بهدوء و أدم من وقت إلي آخر ينظر لها عبر المرآة الأماميه ..
_ جدع أسد
قالها أدم بغيظ يخفيه خلف بروده
_ اه أوي ، راجل بمعني الكلمة
تركت نانسي الهاتف و تحدثت بحماس و ابتسامه
_ عارف لما كنا في باريس ، فضل واقف جمب جميلة و ساعدها كتير اوي لحد ما اتغيرت ، كنا دائما بنخرج و نقعد مع بعض كتير

 

 

 

_ هو قريب منك اوي كده … اقصد يعني منك انتي و جميلة
_ اه ، أسد راجل شهم و ابن دولة زي ما بيقولوا
_ اسمها ابن بلد ، و بطلي هبد بقا، بهدلتي اللغة
قالها أدم بغضب و غيظ من حديثها عنه
_ الله انت مجنون يابني ، شكلك عندك انفصام
_ اه إن كان عاجبك
قالها أدم بصراخ
_ أدم متعليش صوتك عليا
_ انا أعلي صوتي براحتي
_ نزلني لوسمحت
قالتها نانسي بغضب
و من شدة الغضب أوقف أدم السيارة فجأة و اصتدمت رأسها بقوة ، بما يُدعي ( تابلوه ) السيارة ..
_ اه
قالتها نانسي بتوجع و هي مغمضه عينيها
_ نانسي أنتي كويسه ؟

 

 

قالها أدم بهلع و خوف حقيقي
رفعت نانسي رأسها و نظرت له بقوة و غضب
_ افتح العربية
_ مش هينفع تمشي كده
_ بقولك افتح
قالتها نانسي بعصبية شديدة ، ففتح أدم الباب و ترجلت نانسي من السيارة و هي تنظر له بغضب شديد و بعدها صعدت إلي تاكسي و غادرت ..
و ظل أدم ينظر في أثرها بحزن ..
~~~~~~~~~~~~~
في الكافيه ..
_ تعرفي إن انتي وحشتيني اوي
قالها أسد و هو يحدق بعينيها بحب ..
_ بجد ! مرسي
شعرت جميلة بالتوتر و من ثم ردت بمرح

 

 

_ بتكلم جد علفكرة ، يعني انتي و نادر
_ طب و مكنتش بتكلمني ليه ؟ يعني متواصلتش معايا من ساعة ما رجعت من باريس ، و كمان اتفاجأت إنك هنا مع نانسي
_ هتصدقي لو قلت رجعت علشانك
_ علشاني أنا ؟!
قالتها جميلة بتعجب
_ اه علشان اشوف عيونك الحلوة دي
قالها أدم بابتسامة مليئة بالحب
_ هههههههه ، اتعلمت الكلام ده امتي يا كابتن ؟
قالتها جميلة بمرح ، لأنها شعرت بالإحراج و التوتر من كلامه
_ بردو مش مصدقة ؟

 

 

 

_ ب .. بقولك ايه ، ما يلا نمشي بقا ، علشان اتأخرت علي نادر
_ ماشي يا جميلة … الشيك لو سمحت
قالها أسد بقلة حيلة ..
_ تعالي اما اوصلك
_ مفيش داعي ، هركب تاكسي
_ عيب والله الكلام ده ، يلا يا بنتي ، و وعد هشغلك الأغنية اللي بتحبيها
_ لا إذا كان كده ماشي
قالتها جميلة بمرح و من ثم صعدت بجانبه ..
~~~~~~~~~~~~~~
في الفيلا …
_ هههههههه ، خلاص يا بابي أرجوك كفاية ، هههه ، هموت
قالها نادر و هو يكاد يموت من الضحك
_ بعد الشر عليك يا دودي ، يلا يا حبيبي كمل الرسمه عقبال ما اجيلك
_ ماشي ، انا هرسمك انت و مامي و أنا
_ هتبقي اجمل رسمه يا روحي
قالها سيف بحب
في الأسفل …

 

 

_ ايه يا داده ، هي جميلة اتأخرت كده ليه ؟
_ زمانها جاية يابني
و في تلك اللحظة سمع نادر صوت سيارة ..
_ اهيه ، شكلها جت
نظر سيف من الزجاج ، وجدها تتحدث مع أحدهم ، لمح شكله من بعيد و اتضح أنه رجل ..
شعر سيف و كأن قلبه يشتعل بالنيران ، و احمرت عيناه من الغضب ، و من ثم خرج باندفاع ،
و اتجه نحوها و لم يشعر بنفسه إلا و هو يجذبها من يدها بقوة
_ انت اتجننت ؟ ايه اللي انت بتعمله ده ؟
قالتها جميلة بغضب
_ …………….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)