رواية البنت غير الشرعية الفصل السابع والخمسون 57 بقلم ياسمين

رواية البنت غير الشرعية الفصل السابع والخمسون 57 بقلم ياسمين

رواية البنت غير الشرعية البارت السابع والخمسون

رواية البنت غير الشرعية الجزء السابع والخمسون

رواية البنت غير الشرعية الحلقة السابعة والخمسون

وهكا رجعنا فالمشاكل معاهم أنا خلاص وليت نكره وليت هاربة غير لافاك منرجعش قاع للداغو ر و العشية قاع نشري معايا من برا وندخل ونغلق في شومبرتي باه منتلاقاهمش بصح فالويكاند يديرو فيا حالة كل واحدة فم سيرتو كي ميكونش هنا عييت معاه هيا نروحو قالي منهربش منهم قتلو نتا راك تضل فالخدمة أنا لي متفرة فيا برك واحد اليوم جات عندي أميمة قاتلي عسي روحك من مروى وآمال راهم ناوينلك على حاجة موش مليحة قتلها واش عندهم يديرو قاتلي معلاباليش المهم حاذري روحك راني سمعتهم يهدرو عليك بصح والله معرفت على واش قتلها خلي يديرو لي يقدرولها مكنتش عارفة أنهم مهومش بشر وراح يوصلوني للموت ، اميمة راها تروح مع محمد للصحرا 15 يوم 20 يوم باه يجو يبقاو يومين ولا3 ويروحو المهم أنا مع قرايتي برك بصح وليت ديما نتلاقى مع هذاك كريم وليد خالتهم ديما نبدل طريقي يوسف شحال من مرة كي يجي يوصلني يلقاه يدير حالة يقولي واش يدير هنا ياك ميقراش نقولو وانا وين علابالي يقولي بسمة ردي بالاك تهدري معاه ولا

نلمح غير خيالك معاه نفس السيناريو يوميا غير يشوفو يهبل ولا غير مرة يعيطلي اخرجي راني برا مرات يعيط نقولو مع رجاء يقولي جوزيهالي نتأكد رجع يشك فيا بدرجة هبال مرات نسكت ونخليه مرات نوضها معاه كحلة خلاص نتاع الصح عييت من هذي المعيشة غير خالتي تصبر فيا ،اليوم كي جا يوسف سقساني على الطابلات قتلو شوف في بيروك حوس عليها ملقاهاش قتلو مشفتهاش منيش نخدم بيها جبنا يومين أنا صبحت عيانة مرحتش قريت قعدت في بيرو يوسف ونخدم بالبيسي نتاعي حتى دخل يوسف وجهو ميتفسرش حمر عينيه حمورة عروق يبانو قالي تيليفونك وين قتلو هاهو قعد غير يخرب فيه ممبعد رماه قالي الطابلات وين قتلو معلاباليش مشفتهاش بقى يفتش عليها قلب لاشومبر فتح الخزانة يجبد فالحوايج ويقيس حتى لقاها في وسط حوايجي قالي واش دير هنا قتلو معلاباليش يوسف والله معلابالي قالي ضوك نشوفو شعلها وبقى يخرب فيها حتى خبطها مع الحيط وجا ليا مالا هكا حطيتي راسك براسي ودرتيها قتلو واش درت جابني بكف خبطني عند الباب نتاع الدوش وطاح فيا بالكوتبيات بالكفوف من الشعر يرفد ويخبط فالأرض منجي نستوعب ضربة نلقاه

ضربني شحال من ضربة نعيط لربي لي خلق دخلت عندنا عجوزتي والخدامات عياو يفوكوني منو والو ولخرين قاعدين يتفرجو المرة التالية خبطني طحت على طرف السرير تحلت جبهتي الدمومات واد خلاني طايحة وخرج كي المهبول عنقتني عجوزتي تفطن فيا يا طفلة واش صرا أنا نبكي برك بغيت نقوللها حتى أنا معلاباليش علاه راه يسوط فيا سوط الحيوانات هاذا سمعتو غير كي قالي قتلك يابسمة ديريها نذبحك ومأمنتيش شفت معاه لقيتو رافد موس كبير يماه تعيط حتى هذوك ولاو يضبحو سمعت غير زينب كي قالتلهم عيطو لباباه عيطولو جات تجري تشد فيه عياو يحكموه والو جبدني من شعري وطلعلي راسي انا طايحة على ركايبي قالي شهدي ذابحك اليوم وربي كبير سلمتلو روحي وشهدت خلي نموت يمكن الموت أحسن وأريح ليا من هذا العذاب…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)